Gujarati News

Gujarati News

News of Saturday, 7th July 2018

જીતુભાઇ હિરપરાના અવસાનથી ખાલી પડેલી બેઠક માટે કાલે જુનાગઢમાં પેટા ચુંટણી

જૂનાગઢ તા. ૭ : આવતીકાલે જૂનાગઢના વોર્ડ નં. ૧૫ની પેટા ચુંટણી માટે મતદાન થશે. જેમાં ૧૦,૭૨૦ મતદારો પોતાના મતાધિકારનો ઉપયોગ કરશે.

પૂર્વ મેયર અને વોર્ડ નં. ૧૫ના ભાજપના કોર્પોરેટર જીતુભાઇ હિરપરાના અવસાનથી ખાલી પડેલી બેઠકની પેટાચુંટણી જાહેર થઇ છે જેનું આવતીકાલ તા. ૮ના રોજ સવારે ૮થી સાંજના પાંચ વાગ્યા દરમિયાન મતદાન યોજાશે.

આ પેટાચુંટણીના મતદાન માટે કલેકટર ડો. સૌરભ પારઘીના માર્ગદર્શન હેઠળ તમામ તૈયારીઓ - ગોઠવણ કરી લેવામાં આવી છે.

પેટા ચુંટણીમાં કોંગ્રેસ અને ભાજપ ઉમેદવારો વચ્ચે સીધી રાજકીય ફાઇટ છે. ભાજપ આ બેઠક જાળવી રાખે છે કે કેમ તે જોવું રહ્યું.  કુલ ૧૦,૭૨૦ મતદારો મતદાન કરશે. જેમાં ૫૨૪૨ પુરૂષ અને ૫૦૨૮ મહિલા મતદારોનો સમાવેશ થાય છે. જેના માટે કુલ ૧૨ ઇવીએમની વ્યવસ્થા કરવામાં આવી છે તેમજ ૬ ઇવીએમ રિઝર્વ રાખવામાં આવેલ છે. તા. ૧૦ જુલાઇના રોજ મતગણતરી થશે.

વોર્ડ નં. ૧૫ની એક બેઠકની પેટા ચુંટણીને લઇ રાજકીય ઉત્તેજના પ્રવર્તે છે. મતદાન દરમિયાન કાયદો - વ્યવસ્થા જળવાય રહે તે માટે ચુસ્ત પોલીસ બંદોબસ્ત ગોઠવવામાં આવેલ છે.

(12:46 pm IST)
  • દક્ષિણ ગુજરાતમાં દરિયાઇ પટ્ટામાં ભારેથી અતિભારે વરસાદની આગાહી કરવામાં આવી છે. સાથે સાથે દરિયાકાંઠે વસતા માછીવારોને દરિયો ન ખેડવા માટે પણ સૂચન કરાયું છે. ભારે આગાહી વચ્ચે વલસાડ, નવસારી, ડાંગ, તાપી, દમણમાં ભારે વરસાદની આગાહી કરવામાં આવી છે. સાથે સાથે વરસાદી માહોલ વચ્ચે વલસાડ અને વાપી સહિતાના અનેક વિસ્તારોમાં વીજળીના કડાકા સાથે તોફાની વરસાદ શરૂ થયો હતો. બીજી તરફ અમેરલીના દામનગર શહેર અને ગ્રામ્ય વિસ્તારમાં સતત એક કલાક ધોધમાર વરસાદ ખાબક્યો હતો. વલસાડમાં 48 કલાકમાં ભારે વરસાદની આગાહી હવામાન ખાતા દ્વારા કરવામાં આવી છે. મળતી માહિતી પ્રમાણે શનિવારે સાંજે ઘપમપુરમાં ત્રણ ઇંચ વરસાદ હતો. તો સુરતમાં ત્રણ કલાકમાં બે ઇંચ વરસાદ ખાબક્યો હોવાની માહિતી મળી હતી. આ સાથે આસપાસના વિસ્તારોમાં 1થી 2 ઇંચ વરસાદ પડ્યો હોવાની માહિતી મળી રહી છે. access_time 1:20 am IST

  • ગાંધીનગર: યુવા ત્રિપુટી સામે દારૂ રેડ અંગે નોંધાયેલ ફરિયાદ અંગે ઘટસ્ફોટ : પ્રવીણ ભરવાડ નામના શખ્સે મૂકી હતી દારૂની પોટલીઓ : મકાન માલિક કંચનબા મકવાણાએ પોલીસ ને આપેલ નિવેદનમાં ઘટસ્ફોટ : પ્રવીણ ભરવાડ મુકેશ ભરવાડ ચેતન ઠાકોર સહિત ના માણસોએ ધાંધલ ધમાલ મચાવી access_time 6:48 pm IST

  • મોરબીમાં ઝીકાયો એકાંતરા પાણીકાપ : શહેરની જીવાદોરી સમાન મચ્છુ ૨ ડેમમાં પાણી થયું તળિયાજાટક : શહેરીજનોમાં ફેલાયું ઘેરી ચિંતાનું મોજું access_time 9:16 pm IST