Gujarati News

Gujarati News

News of Saturday, 7th July 2018

વાંકાનેરના ખખાણાના જીજ્ઞેશ થોરીયા ઉપર સુર્યરામપરામાં ધોકા-પાઇપથી હુમલો

અગાઉના મનદુઃખનો ખાર રાખી અશોક કોળી સહિતના તૂટી પડયા

રાજકોટ તા. ૭: વાંકાનેરના ખખાણા ગામે રહેતાં જીજ્ઞેશ કનૈયાલાલ થોરીયા (ઉ.૨૦) નામના કોળી યુવાનને તે કુવાડવાના સુર્યરામપરા ગામે ગયો ત્‍યારે જુના મનદુઃખને લીધે અશોક છગનભાઇ ગોધાણી (કોળી), અજય અશોકભાઇ ગોધાણી, સંજય સંગ્રામભાઇ ગોધાણી અને ડાયા બાબુભાઇ ગોધાણી સહિતનાએ ધોકા-પાઇપથી હુમલો કરી ઇજા કરતાં હોસ્‍પિટલમાં ખસેડાયો છે.

જીજ્ઞેશના પિતા કનૈયાલાલ લીંબાભાઇ થોરીયાએ જણાવ્‍યું હતું કે જીજ્ઞેશ અગાઉ ટ્રાફિક વોર્ડન તરીકે નોકરી કરતો હતો. ચાર મહિના પહેલા અકસ્‍માત નડયો હોઇ પગ ભાંગી ગયો છે. જેથી હાલમાં આરામ પર છે. અમારી જીમીન સુર્યરામપરામાં હોઇ ત્‍યાંનું લીલુ વેંચાયુ હોઇ તેના પૈસા લેવા જીજ્ઞેશને ત્‍યાં મોકલ્‍યો હતો. અશોક કોળી સાથે જુનું મનદુઃખ ચાલતું હોઇ તેનો ખાર રાખી હુમલો કરાયો હતો. હોસ્‍પિટલ ચોકીના હરેશભાઇ રત્‍નોતરે કુવાડવા પોલીસને જાણ કરતાં પીએસઆઇ વી. પી. આહિર અને મહાવિરસિંહે ફરિયાદ નોંધી છે. જયેશના બાઇકમાં પણ તોડફોડ કરવામાં આવી હતી.

(12:09 pm IST)
  • ગુજરાતમાં છોટાઉદેપુર જિલ્લાની ઓરસંગ નદીમાં આવ્યું ધોડાપુર : મધ્યપ્રદેશમાં સારા વરસાદના કારણે ઓરસંગ નદી છલકાઇ ગઇ નવા નીરથી : ઓરસંગ નદી પરનો જોજવા આડબંધ થયો ઓવરફલો access_time 7:18 pm IST

  • અમદાવાદ સેટેલાઇટ ગેંગરેપ કેસની તપાસ કરી રહેલી અમદાવાદ ક્રાઇમ બ્રાન્ચની ટીમે આરોપીઓની બ્રેઇન મેપિંગ માટે મેટ્રો કોર્ટમાં મંજૂરી માંગી હતી. જેથી શનિવારે મેટ્રો કોર્ટે આરોપીઓની બ્રેઇન મેપિંગ માટેની મંજૂરી આપી હતી. access_time 1:20 am IST

  • સુરેન્દ્રનગરમાં એ ડિવિઝનમાં ફરજ બજાવતા એએસઆઇ અને એક કોન્સ્ટેબલ રૂપિયા 10 હજારની લાંચ લેતા ACBએ રંગે હાથ ઝડપી પાડ્યા:બંનેએ પ્રોહિબિશનનો ગુનો દાખલ નહીં કરવા માટે લાંચ માગી હતી.:એસીબીના છટકામાં આબાદ સપડાયા access_time 1:32 am IST