Gujarati News

Gujarati News

News of Saturday, 7th July 2018

વડિયા એડવોકેટની બેંક ઓફ ઇન્ડિયામાં પેનલ એડવોકેટ તરીકે નિમણુંક

વડીયા તા.૭ : સામાજીક અગ્રણી અને જાણીતા એડવોકેટ ભીખુભાઇ વોરાની રાષ્ટ્રીયકૃત બેંધ બીઓઆઇમાં પેનલ એડવોકેટ તરીકે નિમણુંક કરાઇ છે. આ નિમણુંકથી બેંકના કસ્ટમર્સને તેમની સેવા અને અનુભવનો બહોળો લાભ મળશે. વડીયા તાલુકાના આગેવાનો તથા વેપારીઓ, સંસ્થાઓ વગેરેએ તેમની નિમણુંકને આવકારી છે.

વડીયાના ભીખુભાઇ વોરા યુવા વયથી જ સામાજીક સેવાના કાર્યો દ્વારા લોકહિતની કામગીરી સાથે સંકળાયેલા છે. તેઓ સ્વૈચ્છિક સંસ્થા પણ ઘણા સમયથી ચલાવે છે અને રાજકીયક્ષેત્રે સુવાસ મેળવી હોવાથી તેમણે વડીયા પંથકમાં ચાહના મેળવી છે.

લોકકાર્યો થકી વડીયા તાલુકા તેમજ સમસ્ત અમરેલી જિલ્લામાં સારી એવી શાખ ઉભી થવાના કારણે તેમને એક વધુ ક્ષેત્રમાં સેવા અનુભવનો લાભ મળશે. ભીખુભાઇ વકીલાતના ઘણા સમયથી પ્રેકટીસ કરી રહ્યા હોવાથી તેમની બીઓઆઇ પેનલમાં એડવોકેટ તરીકે નિમણુંક કરવા માટે અહીના અગ્રણીઓ પ્રયાસો કરતા હતા.

આથી આખરે તેમની બીઓઆઇના પેનલ એડવોકેટ તરીકે નિમણુંક કરવાનો સતાવાર ઓર્ડર ઇસ્યુ કરાયો હતો. આ ઓર્ડરને પગલે વડીયા પંથકમાં ખુશાલી છવાઇ ગઇ છે.

(11:53 am IST)
  • સતત ચોથા દિવસે પણ ગોવામાં ભારે વરસાદ : નાગપુર વિમાની સેવાને અસરઃ ૧૯૯૪ બાદ ગોવામાં સૌથી ભારે વરસાદઃ કોંકણ-વિદર્ભ માટે રેડ એલર્ટ જાહેર કરાયું : પણજી, માપુસા, વાસ્કો અને મડગાવમાં સતત ધોધમાર વરસાદઃ નીંચાણવાળા વિસ્તારોમાં ઘરમાં પાણી ઘુસ્યા access_time 1:27 pm IST

  • ગુજરાતમાં નદી માર્ગે દારૂની રેલમછેલ : છોટાઉદેપુરના ખડલા ગામેથી ક્વાંટ પોલીસે ત્રણ બોટ સહિત મોટા પ્રમાણમાં વિદેશી દારૂ સાથે એક શખ્શને ઝડપી લીધો :ક્વાંટ તાલુકાના ખડલા ગામે નર્મદા નદીના માર્ગે બેથી ત્રણ બોટમાં વિદેશી દારૂ લાવવામાં આવ્યો હતો access_time 1:22 am IST

  • વિશ્વ હિંદુ પરિષદે ફરીથી એકવાર અયોધ્યામાં રામ મંદિર બનાવવાના મુદ્દા અંગે સરકાર પર દબાણ કરવાનું શરૂ કરી દીધુ છે. વિહિપે સરકારને રામજન્મભૂમિ-બાબરી મસ્જિદ વિવાદને ઉકેલવા માટે ઓગસ્ટ, 2018 સુધીનો સમય આપ્યો છે. જો આનો કોઈ ઉકેલ નહિ નીકળે તો વિહિપ આને મોટા નેતાઓ સામે લઈ જશે જેમાં સંગઠનના શક્તિશાળી પદાધિકારીઓ સાથે સાધુ-સંતો પણ શામેલ હશે. access_time 1:19 am IST