Gujarati News

Gujarati News

News of Saturday, 7th July 2018

કડક હાથે કામ લેવા માટે જાણીતા જે.બી.કરમુરેએ કેશોદ પીઆઇનો ચાર્જ લીધો

વિસાવદરમાં અસામાજીક તત્વો સામે ઝૂંબેશ ચલાવેલી

જુનાગઢ તા.૭: જુનાગઢ એસપી નિલેશ જાજડીયા દ્વારા કેશોદ પોલીસ સ્ટેશન ખાતે ફર્સ્ટ પોલીસ સબ ઇન્સ તરીકે જે બી કરમુરની નિમણુંક કરવામાં આવી છે તથા કેશોદ પો સ્ટે નો પીઆઇ તરીકે વધારાનો ચાર્જ પણ સોપવામાં આવેલ છે.

શ્રી કરમુરે આજે કેશોદ પીઆઇ તરીકેનો ચાર્જ સંભાળી કામગીરીનો પ્રારંભ કર્યો છે. શ્રી કરમુર પોલીસ બેડામાં જાંબાઝ અને  કડક પોલીસ અધિકારીની છાંપ ધરાવે છે તેઓએ વિસાવદરમાં ૧૩ માસ ફરજ બજાવી પ્રજાને શાંતિ અને સલામતિનો અહેસાસ કરાવી પ્રજાના હૃદયમાં સ્થાન મેળવ્યુ હતુ. ત્યારબાદ તેમની જુનાગઢ એસઓજીમાં નિમણુંક કરવામાં આવી હતી અને ત્યાંથી ગિર સોમનાથ જિલ્લામાં બદલી પામેલ અને ફરી જુનાગઢ જીલ્લામાં તેઓની બદલી થતા એસપી શ્રી જાજડીયા દ્વારા તેઓને કેશોદ પોલીસ સ્ટેશનમાં નિમણુંક કરતા તેઓએ વિધીવત ચાર્જ સંભાળ્યો હતો. શ્રી કરમુરે ચાર્જ સંભાળતાજ અસામાજીક તત્વોમાં ફફડાટ ફેલાયો છે.

(11:36 am IST)
  • વરસાદે સર્જી જાપાનમાં તારાજી : જાપાનના પશ્ચિમ વિસ્તારમાં જોરદાર પૂર તથા ભેખડો ધસી પડવાને કારણે આશરે ૫૦થી વધુ લોકોનાં મૃત્યુ થયાં છે અને સેકડો લોકો લાપતા થયા છે. મોટાભાગનાં મૃત્યુ હિરોશીમા પ્રદેશમાં થયાં છે. હિરોશીમા પ્રદેશમાં ગુરુવારથી મુશળધાર વરસાદ પડી રહ્યો છે અને હજ્જારો ઘરોને નુકસાન થયું છે. આશરે 15 લાખ લોકોને તેમના ઘર છોડીને સલામત સ્થળે જતા રહેવાનો આદેશ આપવામાં આવ્યો છે. હજ્જારો પોલીસ કર્મચારીઓ, ફાયર ફાઈટર્સ અને સૈનિકો શોધ તથા બચાવ કામગીરીમાં જોડાયા છે. આગામી કેટલાક દિવસોમાં વધુ વરસાદ પડવાની આગાહી પણ કરવામાં આવી છે. access_time 11:12 pm IST

  • તાપી: ડોસવાળા ડેમ ઓવરફ્લો : ઉપરવાસમાં ભારે વરસાદને કારણે ડેમ ઓવરફ્લો. access_time 6:48 pm IST

  • તેલંગાણાનો 24 વર્ષીય વિદ્યાર્થીનું અમેરિકાની એક રેસ્ટોરન્ટમાં થયેલા ગોળીબારમાં શુક્રવારે મોત નિપજ્યું હતું. વારંગલનો રહેવાસી વિદ્યાર્થી શરત કપ્પૂ અહીંની મિસૂરી યૂનિવર્સિટીમાં અભ્યાસ કરતો હતો. રિપોર્ટ અનુસાર કંસાસ પોલીસને શુક્રવારે સાંજે 7 વાગ્યે એક રેસ્ટોર્ટમાં ગોળીબારની માહિતી મળી હતી. ત્યાર બાદ પોલીસ ઘટના સ્થળે પહોંચી હતી. પોલીસને ઘટના સ્થળેથી લોહીમાં લથપથ શરદનો મૃતદેહ પુલમાંથી મળી આવ્યો હતો. access_time 1:19 am IST