Gujarati News

Gujarati News

News of Saturday, 7th July 2018

પાટણવાવના ઓસમ ડુંગર ઉપર સફાઇ અભિયાન...૧૦૦ મણ પ્લાસ્ટીક-કચરો એકત્રિત

ધોરાજી : પંથકના પાટણવાવના ગામે પ્રવાસન સ્થળ ઓસમ પર્વત ઉપર નવરંગ નેચર કલબ, ધોરાજી-ઉપલેટા આહીર સમાજ, ગુજરાત સ્પેટ એકેડમી -જેતપુર, માનવ સેવા યુવક મંડળ-ધોરાજી, આહીર એકતા મંચ ગુજરાત સહિત ધોરાજી, ઉપલેટા અને પાટણવાવની પ્રાથમિક શાળાના વિદ્યાર્થીઓ ૬૦૦ થી વધારે અને અગ્રણીઓ દ્વારા સફાઇ અભિયાન હાથ ધરી પ્લાસ્ટીક મુકત બનાવાયો હતો.  વધતા જતા પ્લાસ્ટીકના પ્રદુષણથી પ્રકૃતિને બચાવવાના ઉમદા આશય સાથે સામાજીક સંસ્થા દ્વારા ર૦ ટીમો બનાવી ડુંગર વિસ્તારમાંથી ૧૦૦ મણથી પણ વધારે પ્લાસ્ટીક કચરો ભેગો કરી નીચે ઉતારાયો હતો... સાથે સાથે છાત્રોએ પ્લાસ્ટીકનો ઉપયોગ નહી કરવા સંકલ્પ પણ લીધા હતાં.  સફાઇ અભિયાનને સફળ બનાવવા રાજકોટના વી.ડી. બાલા, બાબરીયા, ભોલાભાઇ સોલંકી, પાટણવાવના સરપંચ ગીરીશભાઇ પેથાણી, શૈલેષભાઇ બુટાણી, હરીભાઇ સહિતનાએ જહેમત ઉઠાવી હતી.

(11:33 am IST)
  • વલસાડમાં જેટકો નામની સાહી બનાવતી કંપનીમાં લાગી ભયાનક આગ : ફેકટ્રી આસપાસના રસ્તાઓ કરાયા બંધ : નજીકની ફેકટ્રીઓમાં કામ કરતા કામદારોને પણ દૂર ખસેડાયા : કંપનીમાં થઈ રહ્યા છે જોરદાર ધડાકા : કંપનીમાં મોટી માત્રામાં અત્યંત જ્વલનશીલ પદાર્થનો સંગ્રહ હોવાનું જાણવા મળી રહ્યું છે access_time 7:04 pm IST

  • વરસાદે સર્જી જાપાનમાં તારાજી : જાપાનના પશ્ચિમ વિસ્તારમાં જોરદાર પૂર તથા ભેખડો ધસી પડવાને કારણે આશરે ૫૦થી વધુ લોકોનાં મૃત્યુ થયાં છે અને સેકડો લોકો લાપતા થયા છે. મોટાભાગનાં મૃત્યુ હિરોશીમા પ્રદેશમાં થયાં છે. હિરોશીમા પ્રદેશમાં ગુરુવારથી મુશળધાર વરસાદ પડી રહ્યો છે અને હજ્જારો ઘરોને નુકસાન થયું છે. આશરે 15 લાખ લોકોને તેમના ઘર છોડીને સલામત સ્થળે જતા રહેવાનો આદેશ આપવામાં આવ્યો છે. હજ્જારો પોલીસ કર્મચારીઓ, ફાયર ફાઈટર્સ અને સૈનિકો શોધ તથા બચાવ કામગીરીમાં જોડાયા છે. આગામી કેટલાક દિવસોમાં વધુ વરસાદ પડવાની આગાહી પણ કરવામાં આવી છે. access_time 11:12 pm IST

  • વડાપ્રધાન નરેન્દ્રભાઈ મોદીની જયપુરમાં જબરી રેલી : કલ્યાણકારી યોજનાના 33 જિલ્લાઓનાં લાભાર્થીઓ સાથે મોદી કરશે સંવાદ :5579 જેટલી બસો પણ બુક :અંદાજે 7.22 કરોડનો ખર્ચ થશે:કાર્યક્રમમાં 2.5 લાખ લાભાર્થીઓ એકઠા થશે તેવું અનુમાન access_time 1:18 am IST