Gujarati News

Gujarati News

News of Thursday, 7th June 2018

ભીમસર ચોકડી પાસે તલાવડીમાંથી યુવાનનો નગ્ન હાલતમાં મૃતદેહ મળ્યો

માળીયા મીંયાણા, તા. ૭ : માળીયાના ભીમસર ચોકડી પાસે આવેલી ખેત તલાવડીમાંથી યુવાનનો નગ્ન હાલતમાં મૃતદેહ મળી આવ્યો હતો. ઘટનાની જાણ થતા પોલીસ ટીમ દોડી ગઇ હતી. બનાવની મળતી વિગત મુજબ માળીયા મિયાણાના ભીમસર ચોકડી પાસે આવેલ ખેત તલાવડીમાં યુવાનનો મૃતદેહ હોવાની પોલીસ માહિતી મળી હતી. ઘટનાની જાણ થતા માળીયા પોલીસના અમૃતભાઇ પટેલ સહિતની ટીમ ત્યાં દોડી ગઇ હતી અને ત્યાં મૃતદેહ પાણીમાંથી બહાર કાઢવામાં આવ્યો ત્યારે તે નગ્ન હાલતમાં હતો તેમજ તેના એક હાથમાં ટાઇગરનું ટેટુ તો બીજા હાથમાં પણ ટેટુ દોરાવેલું હતું. પોલીસ યુવકના મૃતદેહને પી.એમ. માટે હોસ્પિટલ ખસેડાયો હતો પણ મૃતદેહની હાલત વધુ ખરાબ હોવાથી તેને રાજકોટ મોકલવામાં આવ્યો હતો અને પોલીસે યુવકની ઓળખ મેળવા તેમજ કેવી રીતે આ યુવાનનું મોત થયું તેની પણ તપાસ ચલાવી રહી છે. (૮.૧૪)

(11:55 am IST)
  • ડોનાલ્ડ ટ્રમ્પએ કહ્યું કિમ જોંગ ઉન સાથેની બેઠક માત્ર તસવીરો ખેંચાવવા માટે નથી પરંતુ તેનાથી વિશેષ છે :આ ઐતિહાસિક બેઠક માટે પર્યટક રિસોર્ટ દ્વીપ સેન્ટોસાને સ્થળ તરીકે પસંદગી કરાઈ છે ;એવું મનાય છે કે આ બેઠકના કવરેજ માટે વિશ્વભરના 2500 પત્રકારો આવશે access_time 1:17 am IST

  • પ્લાસ્ટિકની બોટલ્સ રિવર્સ વેન્ડિંગ મશીનમાં નાખશો તો રિટર્નમાં મળશે 1 રૂપિયો: પાણી, ઠંડા પીણા સહિતની પોલિથિલિન ટેરેફ્થાલેટ (PET)- પ્લાસ્ટિક બોટલ્સના રિસાયકલિંગ માટે રાજ્યભરમાં રીવર્સ વેન્ડિંગ મશીન (RYM) લગાવાશે :મુખ્યમંત્રી વિજયભાઈ રૂપાણીની જાહેરાત access_time 1:16 am IST

  • કોંગ્રેસના ૨૩ કોર્પોરેટરો સસ્પેન્ડ : પાટણના નગરપાલીકાના મેન્ડેટના ઉલ્લંધનના મામલે પ્રદેશ કોંગ્રેસ દ્વારા બાગી ૨૩ કોર્પોરેટરને સસ્પેન્ડ કરાયા access_time 4:05 pm IST