Gujarati News

ચોરવાડઃ ગીર સોમનાથ જિલ્લાના ચોરવાડનો એક વીડિયો તાજેતરમાં જોરદાર વાયરલ થયો છે. આ વીડિયોમાં જોઈ શકાય છે કે પોલીસ અધિકારી પોતાની વરદીનો રોફ જમાવતા એક શખ્સ પાસે જાહેરમાં ઉઠબેસ કરાવી રહ્યા છે, એટલું જ નહીં આ શખ્સને પછીથી તે પાઈપ વડે માર પણ મારે છે. પોલીસના અસહ્ય મારને કારણે વીડિયોમાં દેખાતો શખ્સ ફસડાઈ પડે છે, તેમ છતાં વરદીમાં દેખાતા પોલીસ અધિકારી તેને માર મારવાનુ ચાલુ રાખે છે, અને આખરે આસપાસના લોકો આવીને તેને છોડાવે છે. આ વીડિયો ક્યારનો છે, અને માર મારનાર પોલીસ અધિકારી તેમજ જે શખ્સને માર મરાઈ રહ્યો છે તે કોણ છે તેની કોઈ માહિતી હાલ પ્રાપ્ત નથી થઈ.