Gujarati News

Gujarati News

News of Wednesday, 7th February 2018

ધો-૧૦-૧૨ની જાહેર પરિક્ષાના સંચાલકને સોગદનામાનું ફરમાન આચાર્યો-શિક્ષકો પર કસાતો સરકારનો ગાળિયો

ભાવનગર તા.૭: આવતા મહિનાની ૧૨ માર્ચથી ગુજરાત માધ્યમિક શિક્ષણ બોર્ડની પરિક્ષાઓને આરંભ થવાનો છે. પરિક્ષાની ગુણવતા જાળવવા સરકાર હમેશ પ્રયત્નશીલ છે. પરંતુ જેની પાસેથી કામની અપેક્ષા છે તેવા આચાર્ય શિક્ષકો તરફ અવિશ્વાસનો અંગુલી નિર્દેશ શિક્ષણ કર્મચારીઓ માટે ખતરાની ઘંટડી સમાન ગણાય રહ્યો છે. શિક્ષણ વિભાગના ૧૬ જાન્યુ.૨૦૧૮ના ઠરાવ સંધાને ગુજરાત માધ્યમિક શિક્ષણ બોર્ડ ૧ ફેબ્રુ.૧૮ના રોજ પરીપત્ર કરી તમામ પરિક્ષા સંચાલકો આચાર્યોને ફરજિયાત સોગદનામુ રજુ કરવા ફરમાન કર્યુ છે આ સોગદનામાં આચાર્ય/સંચાલકે પરિક્ષાની પારદર્શિતા ગુણવતા, પધ્ધતિ વગેરે બાબતોએ ખાત્રી આપવાની રહેશે માધ્યમિક શિક્ષણ બોર્ડની કાર્યવાહીમાં પુર્ણ સહકાર આપી પરિક્ષા સંચાલન કરવાનું રહેશે. આવા સોગદનામાંથી બોર્ડ કસુરવાનો સામે સખત પગલાઓ ભરી શકશે. આવી કાર્યવાહી કાનુની અને ફોજદારી પણ હોય શકે. સમગ્ર ગુજરાતના આચાર્યોએ આવી કાર્યવાહી સામે નારાજગી જાહેર કરી છે.

(11:43 am IST)
  • મહેસાણામાં ધારાસભ્યના કાર્યાલય પર તોડફોડના મામલે કોર્ટમાં હાર્દિક અને લાલજી પટેલની હવે ૨૮મીએ સુનાવણીઃ ધારાસભ્યની જુબાની રાયોટીંગના ગુનાની કરાઇ હતીઃ કોર્ટમાં કાર્યવાહીમાં બે અરજીઓ મંજૂર access_time 2:12 pm IST

  • ઇમ્ફાલમાં આસામ રાઇફલ્સના કેમ્પ ઉપર ત્રાસવાદીઓ ત્રાટકયાઃ ૧૧ જવાનો ઘાયલ : મણીપુરની રાજધાની ઇમ્ફાલમાં તૈનાત આસામ રાઇફલ્સના ટ્રાન્ઝીટ કેમ્પમાં આજે સવારે એક પછી એક બે વિસ્ફોટો થયા, જેમાં ૧૧ જવાનો ઘવાયા છે. ઉગ્રવાદિઓએ પ્રશ્ચિમ ઇમ્ફાલમાં ખુમાન લંપક મુખ્ય સ્ટેડિયમ પાસે આ વિસ્ફોટો થયેલ. કોઇ આતંકી જુથોએ હજુ સુધી હુમલાની જવાબદારી મળી નથી. access_time 3:47 pm IST

  • સુપ્રીમ કોર્ટે ગોવાની તમામ ૮૮ લોખંડની ખાણોના ખોદકામના લાયસન્સ રદ કર્યા : કોર્ટે રાજ્યને નવી ખોદકામ નીતિ હેઠળ ખાણોની ફાળવણી કરવા અને પર્યાવરણીય મંજૂરી લાવ્યા બાદ બીજીવાર ખોદકામ શરૂ કરવા જણાવ્યું : કોર્ટ અનુસાર, આ બધી ખાણોમાંથી માત્ર ૧૫ માર્ચ સુધી જ ખોદકામ કરી શકાશે access_time 3:30 pm IST