Gujarati News

 મોરબીના બગથળા ગામે જુગાર રમતા ૬ શખ્સોને એલસીબીની ટીમે રૂ. ૬૬ હજારની રોકડ સાથે ઝડપી પાડી આગળની ધોરણસરની કાર્યવાહી હાથ ધરી હતી.

મોરબીની એલસીબી ટીમે બાતમીના આધારે બગથળા ગામે દરોડો પાડી જાહેરમાં જુગાર રમતા નરેન્દ્રસિંહ ઉર્ફે ભીખુભા નવલસિંહ પરમાર, શબિરભાઈ ગુલામહુસેન ભટ્ટી, મુકેશભાઈ ડાયાભાઇ ચાવડા, ભુપતભાઇ પ્રભુભાઈ વડાવિયા, સામતભાઈ હમીરભાઈ ગમારા અને મહેશભાઈ દલપતભાઈ રામાંનુજને રોકડ રૂ. ૬૬,૧૦૦ સાથે પકડી પાડ્યા હતા.
આ કાર્યવાહીમાં ઇન્ચાર્જ પીઆઇ એન.બી. ડાભી, હેડ કોન્સ. ચંદુભાઈ કાણોતરા, વિક્રમસિંહ બોરાણા, દિલીપભાઈ ચૌધરી, નિરવભાઈ મકવાણા, ભરતભાઇ જિલરિયા, દશરથસિંહ પરમાર અને ભગીરથસિંહ ઝાલા સહિતના જોડાયા હતા.