Gujarati News

Gujarati News

News of Monday, 6th December 2021

દેવભૂમિ દ્વારકા જીલ્લા પોલીસ દ્વારા મીઠાપુરમાં સાઇકલ રેલી

મીઠાપુરઃ દેવભૂમિ દ્વારકા જીલ્લા પોલીસ દ્વારા આઝાદી કા અમૃત મહોત્સવ કાર્યક્રમ નિમિતે મીઠાપુરમાં તા.૫-૧૨-૨૦૨૧ના રોજ એક સાઇકલ રેલીનું આયોજન કરવામાં આવ્યું હતું. આ સાઇકલ રેલી મીઠાપુર પોલીસ સ્ટેશન વિસ્તાર નારીયેળી રોડથી જુદા-જુદા વિસ્તારોમાં યોજવામાં આવી હતી. સવારે ૭.૩૦ વાગ્યે આ રેલી શરૂ કરવામાં આવી હતી. આ રેલીમાં મીઠાપુર હાઇસ્કૂલના આચાર્ય શ્રી નીરવભાઇ જોશી ઉપરાંત તેમના શિક્ષકો, ગામના લોકો તથા મીઠાપુર પોલીસ સ્ટાફ જોડાયો હતો. આ સાઇકલ રેલીને સફળ બનાવવા માટે મીઠાપુર પી.આઇ.શ્રી ગી.આર.ગઢવીએ જહેમત ઉઠાવી હતી.(તસ્વીર-અહેવાલઃ દિવ્યેશ જટણીયાઃમીઠાપુર)

(11:47 am IST)