Gujarati News

Gujarati News

News of Thursday, 6th December 2018

ગોંડલ-બગસરા રોડ પર મીનીબસ પલટી ખાઈ જતા મહિલાનું કરૂણમોત :છ મુસાફરો ઈજાગ્રસ્ત

ધારાળા ગામના પાટીયા પાસે અકસ્માત : ક્લીનર બસની વચ્ચે ફસાઈ ગયો

ગોંડલઃ ગોંડલના દેરડી કુંભાજી નજીક આવેલા ધરાળા ગામના પાટીયા પાસે મિનિ બસ પલટી ખાઈ જતા એક મહિલાનું મોત નીપજ્યું હતું જ્યારે છ મુસાફરો ઘાયલ થતા સારવાર માટે ગોંડલ હોસ્પિટલ ખસેડાયા હતા.

  મળતી વિગત મુજબ ગોંડલ તાલુકાના દેરડી કુંભાજીની પાસે આવેલા ધારાળા ગામના પાટીયા પાસે સાંજના પાંચ વાગ્યે રાજકોટથી બગસરા તરફ જઈ રહેલ મીનીબસ જીજે 02વીવી 2082 પલટી મારી જતા મંજુલાબેન જીવનભાઇ ડોડીયા (ઉમર વર્ષ 62 ) રહે બગસરાનું મોત નીપજ્યું હતું, જ્યારે હંસાબેન વિનુ ભાઈ સોલંકી (ઉમર વર્ષ 45) રહે સાજડીયાળી, વીણાબેન વિનુભાઈ સિધ્ધપુરા (ઉમર વર્ષ 48) રાજકોટ કોઠારીયા રોડ સહિતના મુસાફરો ઘાયલ 108 એમ્બ્યુલન્સની મદદથી ગોંડલ સરકારી દવાખાને સારવાર માટે ખસેડવામાં આવ્યા હતા

  અકસ્માતમાં બસનો ક્લીનર બસની વચ્ચે ફસાઈ ગયો હતો. જેને બસના પતરા તોડી જેસીબીની મદદથી બહાર કાઢવામાં આવ્યો હતો. અકસ્માતના પગલે રોડ પર મુસાફરોની ચિચિયારી બોલી જવા પામી હતી

 

(8:55 pm IST)
  • લોક રક્ષક દળ પેપર લીક કૌભાંડઃ એટીએસે વધુ ૨ ને ઝડપી લીધા : રાજકોટ સીઆઈડી અને એટીએસ દ્વારા વડોદરા આસપાસ તપાસનો મોટો ધમધમાટ ચાલુ છેઃ એટીએસ દ્વારા પોલીસ કોન્સ્ટેબલ પરીક્ષાના પેપર લીક કૌભાંડમાં વધુ ૨ ની ધરપકડો કરી ગાંધીનગર લઈ જવાયા છે એટીએસએ વોચ ગોઠવી આ ધરપકડો કરી છે access_time 3:36 pm IST

  • અગસ્તા વેસ્ટલેન્ડ: અજીત ડોભાલ અને CBIના નવા ચીફ અે આપ્યો ‘‘ઓપરેશન મિશેલ’’ ને અંજામ : CBIના બે અધિકારી રાકેશ અસ્થાના અને આલોક વર્મા વચ્ચે અદાલતી લડાઇ : સીબીઆઇ મિશેલને પટિયાલ હાઉસ કોર્ટમાં રજૂ કરશે : સીબીઆઇ જોઇન્ટ ડાયરેકટ સાંઇ મનોહરનું નેતૃત્વ-ટીમઅે દુબઇમાં રહી મિશન પુરૂ કર્યુ : સુષ્મા સ્વરાજે કૌસુલર પ્રત્યાર્પણ મામલે વાત કરી : સુષ્મા દુબઇમાં છે: ભારત-UAE જોઇન્ટ કમિશનની બેઠકમાં ભાગ લેશે : ૩૬૦૦ કરોડના અગસ્તા વેસ્ટલેન્ડ સોદામાં રાજનીતિક નેતૃત્વ પર સવાલ access_time 12:30 am IST

  • ફોબર્સની 100 શક્તિશાળી મહિલાઓની યાદીમાં ચાર ભારતીય :ટેલર સ્વીફ્ટ સૌથી યુવા અને રાણી એલિઝાબેથ સૌથી વૃદ્ધ મહિલા : ટોચના સ્થાને જર્મનીની ચાન્સલર એંજલા મર્કલ યથાવત : 51માં ક્રમે રોશની નાદર મલ્હોત્રા,ત્યારબાદ કિરણ મજમુદાર 60માં સ્થાને :88માં ક્રમે શોભના ભરતીયા :અને પ્રિયંકા ચોપડાનું 94માં સ્થાને access_time 1:25 am IST