Gujarati News

Gujarati News

News of Thursday, 6th December 2018

કચ્છમાંથી ઝડપાયેલા બંને કાશ્મીરી યુવકોની પોલીસ ઉપર પથ્થરમારો સહિતના ૩ ગંભીર ગુન્હામાં સંડોવણી

અમદાવાદ: ભૂજના ગેસ્ટહાઉસમાંથી પોલીસે બે શખ્સોની અટકાયત કરી છે. કેન્દ્રિય ગુપ્તચર સંસ્થાએ આપેલી બાતમી અનુસાર, બંને શખ્સો કાશ્મીરી છે, અને તેઓ જમ્મુ-કાશ્મીરમાં પોલીસ પર કરાયેલા પથ્થરમારામાં સામેલ હતા. પોલીસના હાથ લાગેલા બે શખ્સોમાંથી એકની ઉંમર 16 વર્ષ છે, જ્યારે બીજો શખ્સ 21 વર્ષનો અલતાફ નઝર છે, જે કાશ્મીરના કુપવારા જિલ્લાના નતમાસા ગામનો રહેવાસી છે.

અલતાફ અને તેની સાથે પકડાયેલો કિશોર પોલીસ પર પથ્થરમારા કરવા સહિતના ત્રણ ગંભીર ગુનામાં સંડોવાયેલા હોવાનો આરોપ છે. ભૂજ પોલીસે બંનેને વધુ પૂછપરછ માટે ગુજરાત એટીએસને સોંપી દીધા છે. લોકો પાસેથી પોલીસને વાયર-કટર તેમજ ગુજરાતના કેટલાક લોકોના સંપર્ક પણ મળ્યા છે. પોસીકે સેન્ટ્રલ એજન્સીઓ અને જમ્મુ-કાશ્મીર પોલીસને પણ અંગે માહિતી આપી દીધી છે.

એક ટોચના પોલીસ અધિકારીના જણાવ્યા અનુસાર, બંને ભૂજના એક ગેસ્ટહાઉસમાં રોકાયા હતા, જ્યાંથી પોલીસે તેમને ઝડપી લીધા હતા. પૂછપરછમાં જાણવા મળ્યું હતું કે, તેઓ પોલીસ પર હુમલો કરવા ઉપરાંત સશસ્ત્ર દળો પર પથ્થરમારાના આરોપમાં સંડોવાયલા છે. તેમની પાસેથી જે માહિતી મળી છે તે ઘણી ગંભીર છે, અને તેમની વધુ પૂછપરછ માટે એટીએસને તેમની કસ્ટડી અપાઈ છે.

પોલીસનું માનવું છે કે, કાશ્મીરમાં પોલીસના હાથે પકડાઈ જવાય તે માટે બંને ગુજરાત આવ્યા હોઈ શકે છે. જોકે, તેમની પાસેથી વાયર કટર સહિતનો જે સામાન મળ્યો છે તેના પરથી લાગે છે કે તેઓ ગુજરાતમાં કોઈ ભાંગફોડની પ્રવૃત્તિ કરવાનું આયોજન કરી રહેલા જૂથનો હિસ્સો હોઈ શકે છે. પોલીસે હાલ બંનેની સત્તાવાર ધરપકડ નહીં, પરંતુ અટકાયત કરી છે.

(5:04 pm IST)
  • ફોબર્સની 100 શક્તિશાળી મહિલાઓની યાદીમાં ચાર ભારતીય :ટેલર સ્વીફ્ટ સૌથી યુવા અને રાણી એલિઝાબેથ સૌથી વૃદ્ધ મહિલા : ટોચના સ્થાને જર્મનીની ચાન્સલર એંજલા મર્કલ યથાવત : 51માં ક્રમે રોશની નાદર મલ્હોત્રા,ત્યારબાદ કિરણ મજમુદાર 60માં સ્થાને :88માં ક્રમે શોભના ભરતીયા :અને પ્રિયંકા ચોપડાનું 94માં સ્થાને access_time 1:25 am IST

  • સુરત: ઉધના વિસ્તારમાં સ્ટેટ વિજિલન્સ દ્વારા દારૂની રેડનો કેસ :સુરત પોલીસ કમિશનર સતીશ શર્માએ ઉધના પીઆઇ એમપી પરમારને સસ્પેન્ડ કર્યા:સ્ટેટ વિજિલન્સ દ્વારા રેડ કરી 2 લાખ 24 હજારનો દારૂ જપ્ત કર્યો હતો access_time 12:04 am IST

  • સુરતની ઓલપાડ મામલતદાર કચેરીમાં ઘટના: સુરત કલેકટરનો વેચાણ પરવાનગી આપતો ખોટો હુકમ બનાવી ખોટો રાઉન્ડ વારો સિક્કો મારી જમીન પચાવી પાડવાનું કાવતરું બહાર આવ્યું :ઓલપાડના સોંસક ગામે આદિવાસીની ૭૩-એએ ની જમીન પચાવી પાડવા રચાયું કાવતરું: ઓલપાડ મામલતદારએ ઓલપાડ પોલીસ સ્ટેશન નોંધાવી ફરિયાદ: કીર્તિભાઈ પટેલ, દલશુખ નારોલા- કતારગામ - સુરત, ભરત ભાઈ નામના ત્રણ ઈસમો સામે નોંધાવી ફરિયાદ: સમગ્ર મામલે ઓલપાડ પોલીસે વધુ તપાસ હાથ ધરી. access_time 9:29 pm IST