Gujarati News

Gujarati News

News of Thursday, 6th December 2018

જુનાગઢમાં વિજતારમાં લંગરીયું નાંખતી વખતે દાઝી ગયેલી વણકર નવોઢા દક્ષાની જિંદગી ઓલવાઇ ગઇ

વિજતારમાં છેડો ભરાવતી હતી ત્યારે હાથમાં રાખેલો દિવો છટકતાં ભડકો થતાં દાઝીગઇ હતીઃ સાત દિવસની સારવારને અંતે રાજકોટમાં દમ તોડ્યોઃ સોલંકી પરિવારમાં શોક

રાજકોટ તા. ૬: જુનાગઢમાં બિલખા રોડ પર આંબેડકરનગરમાં રહેતી દક્ષાબેન રાકેશ સોલંકી (ઉ.૨૩) નામની વણકર નવોઢા દિવો પડતાં ભડકો થતાં દાઝી ગઇ હતી. સાત દિવસની સારવારને અંતે રાજકોટમાં દમ તોડતાં પરિવારમાં ગમગીની છવાઇ ગઇ છે.

જાણવા મળ્યા મુજબ દક્ષાબેન ૨૮/૧૧ના રોજ રાત્રીના અગિયારેક વાગ્યે દાઝી જતાં જુનાગઢ સારવાર અપાવી રાજકોટ સિવિલ હોસ્પિટલમાં ખસેડાઇ હતી. અહિથી બુધવારે સવારે વધુ સારવાર માટે ખાનગી હોસ્પિટલમાં ખસેડાયેલ. ત્યાં સારવાર દરમિયાન ગત સાંજે મોત નિપજતાં પરિવારમાં ગમગીની છવાઇ ગઇ હતી. દક્ષાબેનના લગ્ન આઠ માસ પહેલા જ થયા હતાં. પતિ છુટક મજૂરી કરે છે. દક્ષાબેનના માવતર જુનાગઢમાં જ રહે છે અને પિતાનું નામ રમેશભાઇ ડોડીયા છે.

દક્ષાબેનને રાજકોટ સિવિલમાં દાખલ કરવામાં આવી ત્યારે પોલીસની પ્રાથમિક પુછતાછમાં પરિવારજનોએ જણાવ્યું હતું કે વિજતારમાં લંગર નાંખ્યું હોઇ તેનો છેડો હલી જતાં લાઇટ ગુલ થતાં દક્ષાબેન હાથમાં દિવો રાખી છેડો ભરાવવા ગઇ હતી. ત્યારે દિવો છટકીને પડતાં ભડકો થતાં દાઝી ગઇ હતી. નવોઢાના મોતથી પરિવારમાં ગમગીની છવાઇ ગઇ હતી. જુનાગઢ પોલીસે વધુ તપાસ હાથ ધરી છે.

(12:16 pm IST)
  • અમદાવાદ: આસારામ સામે નોંધાયેલા બળાત્કારના કેસમાં સાક્ષીઓના નિવેદનના મુદ્દાને લઈને હાઇકોર્ટમાં થઇ અરજી:વિરોધાભાસી નિવેદનો કોર્ટને બતાવવા અંગે આરોપી તરફથી થયેલી રજૂઆતને ટ્રાયલ કોર્ટે ફગાવતા હાઇકોર્ટમાં થઇ અરજી:હાઈકોર્ટે તપાસ સંસ્થા અને અન્ય પક્ષકારોને ઇશ્યુ કરી નોટિસ:સરકારે જવાબ રજૂ કરવા માટે માંગ્યો સમય: ૧૧ ડિસેમ્બરે હાથ ધરાશે સુનવણી access_time 2:40 pm IST

  • સુરતની ઓલપાડ મામલતદાર કચેરીમાં ઘટના: સુરત કલેકટરનો વેચાણ પરવાનગી આપતો ખોટો હુકમ બનાવી ખોટો રાઉન્ડ વારો સિક્કો મારી જમીન પચાવી પાડવાનું કાવતરું બહાર આવ્યું :ઓલપાડના સોંસક ગામે આદિવાસીની ૭૩-એએ ની જમીન પચાવી પાડવા રચાયું કાવતરું: ઓલપાડ મામલતદારએ ઓલપાડ પોલીસ સ્ટેશન નોંધાવી ફરિયાદ: કીર્તિભાઈ પટેલ, દલશુખ નારોલા- કતારગામ - સુરત, ભરત ભાઈ નામના ત્રણ ઈસમો સામે નોંધાવી ફરિયાદ: સમગ્ર મામલે ઓલપાડ પોલીસે વધુ તપાસ હાથ ધરી. access_time 9:29 pm IST

  • ફોબર્સની 100 શક્તિશાળી મહિલાઓની યાદીમાં ચાર ભારતીય :ટેલર સ્વીફ્ટ સૌથી યુવા અને રાણી એલિઝાબેથ સૌથી વૃદ્ધ મહિલા : ટોચના સ્થાને જર્મનીની ચાન્સલર એંજલા મર્કલ યથાવત : 51માં ક્રમે રોશની નાદર મલ્હોત્રા,ત્યારબાદ કિરણ મજમુદાર 60માં સ્થાને :88માં ક્રમે શોભના ભરતીયા :અને પ્રિયંકા ચોપડાનું 94માં સ્થાને access_time 1:25 am IST