Gujarati News

Gujarati News

News of Thursday, 6th December 2018

કુંવરજીભાઇ તમે તમારી આંગળી કાપી નાખી છે કે,ખૂદને મત નથી આપવાના?: ઈંદ્રનીલભાઈ રાજ્યગુરૂનો સવાલ

ભાડલા ગામે આયોજિત લોકડાયરામાં રાજ્યગુરૂએ કુંવરજીભાઈને તેનો મેસેજ યાદ કરાવ્યો

જસદણ પેટાચૂંટણીમાં રાજકોટ કોંગ્રેસના પૂર્વ ધારાસભ્ય ઈન્દ્રનીલભાઈ  રાજ્યગુરૂએ જસદણના વિવિધ ગામોમાં લોકડાયરાઓ યોજીને તેઓ કોઈપણ પક્ષમાં ન હોવા છતાં બાવળીયા સામે પ્રચાર કરી રહ્યા છે. ત્યારે ગતરાત્રે ભાડલા ગામે ઈન્દ્રનીલભાઈ  દ્વારા લોકડાયરાનું આયોજન કર્યું હતું. જેમાં તેમણે કુંવરજીભાઈએ પોતાના સોશિયલ મીડિયામાં લખેલા મેસેજ 'ભાજપને મત આપવાને બદલે મારી આંગળી કાપી નાંખીશ' યાદ કર્યો હતો અને તમે તમારી આંગળી કાપી નાખી છે કે, ખુદને મત નથી આપવાના? તેવો વેધક સવાલ કર્યો હતો.

ઈન્દ્રનીલ ભાઈ રાજ્યગુરૂએ જણાવ્યું હતું કે, જ્ઞાતિ-જાતિ કે ખોટા વાયદામાં ભરમાયા વિના હંમેશા તમારો મત યોગ્ય ઉમેદવારને જ આપજો. બાદમાં જસદણ પેટાચૂંટણી અંગે વાત કરતા તેમણે કહ્યું હતું કે, અપક્ષમાં કોઈ યોગ્ય ઉમેદવાર હોય તેવું મને નથી લાગતું. ભાજપ અને કોંગ્રેસના ઉમેદવારમાં કુંવરજીભાઈ  બાવળીયા ભ્રષ્ટ હોવાનો અને અવસર નાકિયા યોગ્ય ઉમેદવાર હોવાનું પણ તેમણે કહ્યું હતું.   

  ઉપરાંત બાવળીયા માત્ર મંત્રીપદ માટે ભાજપમાં જોડાયા હોવાનો આક્ષેપ કરતા તેમણે કુંવરજીભાઈની આંગળી વિશે સવાલ ઉઠાવ્યો હતો. અત્રે ઉલ્લેખનીય છે કે, અગાઉ પણ કુંવરજીભાઈ  અને ઈન્દ્રનીલભાઈ  વચ્ચે અણબનાવ જોવા મળ્યો હતો.

(11:18 am IST)
  • સ્મૃતિ ઇરાનીનો મજાકિયો અંદાજ : ભગવાન મને ઉઠાવી લે : મને નહી મારા વજનને : સ્મૃતિ ઇરાનીની ઇન્સ્ટાગ્રામ એકાઉન્ટમાં તસ્વીર શેયરઃ તસ્વીરમાં પતિ જુબીન ઇરાની પણ સામેલ : પતિ જુબિન ઇરાનીએ મજાકમાં કહ્યુ આને પણ ઉઠાવી લ્યો : પતિ જુબીન ઇરાની પોસ્ટ પર કોમેન્ટ કરી : તે કયારેય ઇચ્છતા નથી એને ઉઠાવી લે : જીંદગીના ચઢાવ ઉતાર છેઃ કોઇ મને પૂછે, એમણે આગળ લખ્યુ મારા બાળકોની મા તમે બેહતરીન છોઃ સ્મૃતિ ઇરાનીએ આભાર માન્યો access_time 12:02 am IST

  • અગસ્તા વેસ્ટલેન્ડ: અજીત ડોભાલ અને CBIના નવા ચીફ અે આપ્યો ‘‘ઓપરેશન મિશેલ’’ ને અંજામ : CBIના બે અધિકારી રાકેશ અસ્થાના અને આલોક વર્મા વચ્ચે અદાલતી લડાઇ : સીબીઆઇ મિશેલને પટિયાલ હાઉસ કોર્ટમાં રજૂ કરશે : સીબીઆઇ જોઇન્ટ ડાયરેકટ સાંઇ મનોહરનું નેતૃત્વ-ટીમઅે દુબઇમાં રહી મિશન પુરૂ કર્યુ : સુષ્મા સ્વરાજે કૌસુલર પ્રત્યાર્પણ મામલે વાત કરી : સુષ્મા દુબઇમાં છે: ભારત-UAE જોઇન્ટ કમિશનની બેઠકમાં ભાગ લેશે : ૩૬૦૦ કરોડના અગસ્તા વેસ્ટલેન્ડ સોદામાં રાજનીતિક નેતૃત્વ પર સવાલ access_time 12:30 am IST

  • ગીરમાંથી સિંહણનો મૃતદેહ મળી આવ્યોઃ સિંહણના ૩ બચ્ચા લાપતા: ગીર સોમનાથના આંબળાશ ગામે સિંહણનો કોહવાયેલી હાલતમાં મૃતદેહ મળી આવતા ખળભળાટઃ વન વિભાગે ત્વરીત તપાસ શરૂ કરી access_time 11:57 am IST