Gujarati News

Gujarati News

News of Sunday, 6th October 2019

બરવાળા પાસે ઉતાવળી નદીમાંથી ચેકડેમ પાસે રાવળદેવ યુવાનની લાશ મળી આવતા ચકચાર

શનિવાર બપોરથી ગુમ મહેશ બેલમની લાશ મળી

બરવાળા પાસે આવેલ ઉતાવળી નદીમાંથી ચેકડેમ પાસે રાવળદેવ યુવાનની લાશ મળી આવતા ચકચાર મચી જવા પામી હતી.મૃતક યુવાન શનિવાર બપોરનો ગુમ હતો.આ બનાવની જાણ થતા જ બરવાળા પોલિસ ઘટના સ્થળે દોડી જઈ ધોરણસરની કાર્યવાહી હાથ ધરી હતી. જ્યારે યુવાનનુ મૃત્યુ ક્યા કારણોસર થયુ તે અંગેની તપાસ હાથ ધરી દીધી છે.

આ અંગે મળતી વિગત  મુજબ બોટાદ જિલ્લાના બરવાળા પાસેથી પસાર થતી ઉતાવળી નદીના ચેકડેમ પાસેથી મહેશભાઈ ભુપતભાઈ બેલમ (ઉ.વ.૩૨) (રહે.રાવળશરી, બરવાળા )ની લાશ મળી આવતા ચકચાર મચી જવા પામી હતી.આ બનાવની જાણ બરવાળા પોલિસને થતા શક્તિસિંહ ઝાલા (પી.એસ.આઇ.), એમ.એન.ચૌહાણ,મહાવીરસિંહ રાઠોડ સહિતનો પોલિસ સ્ટાફ ઘટના સ્થળે દોડી જઈ મૃતક યુવાનની લાશને પી.એમ.અર્થે ખસેડી ધોરણસરની કાર્યવાહી હાથ ધરી હતી. મૃતક મહેશભાઈ ભુપતભાઈ બેલમ શનિવાર બપોરથી ગુમ થયેલ હતો જેની આજુબાજુ વિસ્તારમાં શોધખોળ કરવામાં આવી હતી પરંતુ શોધખોળ કરેલ વિસ્તારમાં યુવાનનો પતો લાગેલ નહોતો ત્યારે રવિવારે ગુમ થયેલ યુવાનની લાશ ઉતાવળી નદીના ચેકડેમ પાસે મળી આવી હતી.લાશ મળી આવ્યાના સમાચાર વાયુ વેગે પ્રસરી જતા મોટી સંખ્યામાં લોકો ઘટના સ્થળે દોડી ગયા હતા.આ બનાવને પગલે બેલમ પરિવારમાં ઘેરા શોકનું મોજુ ફરી વળયુ હતુ.મૃતક યુવાનનું પી.એમ. સામુહિક આરોગ્ય કેન્દ્ર ખાતે કરાવવામાં આવ્યું હતુ. બરવાળા પોલિસે આ બનાવ અંગે અકસ્માતે મોત મુજબનો ગુનો નોંધી આગળની તપાસ એમ.એન.ચૌહાણ (હે.કો.)બરવાળા પો.સ્ટે.ચલાવી રહ્યા છે.

(11:59 pm IST)
  • દિગ્વિજયસિંહે પૂછ્યો સવાલ : ગોડસે દેશભક્ત છે કે દેશદ્રોહી ? ભાજપ અને બજરંગદળ પર સાધ્યું નિશાન : મધ્યપ્રદેશના પૂર્વ મુખ્યમંત્રી અને કોંગ્રેસના વરિષ્ઠ નેતા દિગ્વિજયસિંહેગ્વાલિયરમાં કાશ્મીર મુદ્દો,નાથુરામ ગોડસે અને આર્ટિકલ 370ને લઈને ભાજપ પર આકરા પ્રહાર કર્યા: દિગ્વિજયસિંહે એમ પણ કહ્યું કે ભાજપ ગાંધીજીને લઇને માત્ર દેખાડો કરે છે access_time 12:24 am IST

  • છત્તીસગઢમાં કેશવાનમાંથી એક કરોડની લૂંટ :ગ્રામજનોએ ચાર લૂંટારૂઓને ઝડપ્યા : 20 લાખનું બંડલ ગાયબ : છત્તીસગઢના બેમેતારા જિલ્લામાં એટીએમ કેશવાનમાંથી એક કરોડની લૂંટ કરીને ભાગતા ચાર સશસ્ત્ર લૂંટારુઓ ગ્રામજનોની મદદથી પોલીસે ઝડપી લીધા : ધરપકડ બાદ લૂંટારુઓ પાસેથી 80 લાખ જપ્ત કર્યા : તમામ લૂંટારુઓ હરિયાણાના રહેવાસી :કેશવાનમાં પંચર થતા ટાયર બદલાવતા વખતે લૂંટારૃઓએ બંદૂકની અણીએ કેશવાન લૂંટી : ભાગતા લૂંટારુઓના વાહન પર ગ્રામજનોએ પથરાવ કર્યો પણ ભાગવામાં સફળ થયા બાદ ગ્રામજનોએ ઘેરી લીધા અને પોલીસની નાકાબંધીમાં સપડાયા access_time 12:42 am IST

  • કેશોદ તાલુકાના અજાબ ગામે વિજળી પડતા મહિલાનું મોત પુરૂષ ગંભીર access_time 8:01 pm IST