Gujarati News

Gujarati News

News of Sunday, 6th October 2019

જામજોધપુર પોલીસ કહે છે, ૭ હજારની ચોરીની ફરિયાદ શું કામ લખાવો છો ?

પીએસઆઇના ઉદ્ધતાઇભર્યા વર્તનથી ફરિયાદીને થયો પોતે આરોપી હોય તેવો અનુભવ

જામજોધપુર : ' સાત હજારની ચોરીની ફરિયાદ શું લખાવવા આવો છો' ? ૭૦ હજારની ચોરી થાય તો જ ફરિયાદ લખાવવી જરૂરી છે.  ખુદ પોલીસ જ આવું કહે તો શું માનવું ? તેવો સવાલ જામજોધપુરમાં ઉઠયો છે.

જામજોધપુર સ્ટેશન રોડ પર પત્રકાર (બાબુભાઇ) ધનાભાઇ પાધર અમુલ ચોઇસ નામની દુકાન આવી છે. તા. ૧/૧૦/૧૯ ને મંગળવારના રોજ સાંજે બાબુભાઇ દુકાન છોડીને ૧૦ મીનીટ માટે તેમના સાથે ગોડાઉને માલ લેવા જતા આ સમયમાં કોઇ અજાણ્યા શખ્સો દુકાનના ખાનામાં આખા દિવસના વેપારના રૂ. ૭૦૦૦ જેવી રકમની ચોરી કરી ગયા હતા.

આ બાબતે પોલીસે સ્ટેશને જઇ ફરિયાદીએ પીએસઆઇ મોરીને જણાવેલ કે મારી દુકાને ચોરી થઇ છે ફરિયાદ દાખલ કરવી છે, તો પીએસઆઇએ જણાવેલ કે કેટલી ચોરી થઇ છે ? પીએસઆઇએ જણાવેલ માત્ર સાત હજારમાં ફરિયાદ શું કરવી ? ૭૦ હજારની ચોરી થાય તો બરાબર અને ફરિયાદ જમાદારને કહો દાખલ કરી દેશે. આ અંગે શહેરના આગેવાનો જામજોધપુરના ધારાસભ્યશ્રીને અને પત્રકારો ચેમ્બરના પ્રતિનિધીઓ દ્વારા ઉચ્ચકક્ષાએ રજુઆત કરવામાં આવશે.

(11:53 am IST)
  • સોનાની દાણચોરી માટે યુવાનનો નવતર કીમિયો : કસ્ટમ અધિકારીઓએ કોચ્ચી ઇન્ટરનેશનલ એરપોર્ટ પર એક કિલો સોનાની દાણચોરીના આરોપમાં મલપ્પુરમનો નિવાસી નૌશાદને ઝડપી લીધો : નૌશાદે માથામાં વચ્ચે વાળ મૂંડાવીને સોનાને વિગથી ઢાંકી દીધા હતા: મેટલ ડિટેક્ટની પકડથી બચવા માટે સોનાને પેસ્ટ બનાવી છુપાવ્યું હતું access_time 12:31 am IST

  • છત્તીસગઢમાં કેશવાનમાંથી એક કરોડની લૂંટ :ગ્રામજનોએ ચાર લૂંટારૂઓને ઝડપ્યા : 20 લાખનું બંડલ ગાયબ : છત્તીસગઢના બેમેતારા જિલ્લામાં એટીએમ કેશવાનમાંથી એક કરોડની લૂંટ કરીને ભાગતા ચાર સશસ્ત્ર લૂંટારુઓ ગ્રામજનોની મદદથી પોલીસે ઝડપી લીધા : ધરપકડ બાદ લૂંટારુઓ પાસેથી 80 લાખ જપ્ત કર્યા : તમામ લૂંટારુઓ હરિયાણાના રહેવાસી :કેશવાનમાં પંચર થતા ટાયર બદલાવતા વખતે લૂંટારૃઓએ બંદૂકની અણીએ કેશવાન લૂંટી : ભાગતા લૂંટારુઓના વાહન પર ગ્રામજનોએ પથરાવ કર્યો પણ ભાગવામાં સફળ થયા બાદ ગ્રામજનોએ ઘેરી લીધા અને પોલીસની નાકાબંધીમાં સપડાયા access_time 12:42 am IST

  • મોડીરાત્રે રાજકોટના બજરંગવાડી 25 વારિયા પ્લોટ પાસે રાજીવનગર મેઈન રોડ પર રિક્ષામાં અચાનક આગ ભભૂકી : રિક્ષામાં પેટ્રોલ લીક થતું હોવાથી આગ લાગ્યાનું પ્રાથમિક તારણ : આસપાસના રહીશોએ પાણીનો મારો ચલાવ્યો : સદનસીબે કોઈ જાનહાની કે ઇજા નથી access_time 11:29 pm IST