Gujarati News

Gujarati News

News of Sunday, 6th October 2019

કચ્છમાં બીજા દિવસે પણ શ્રાવણીયો માહોલ : રાપરમાં દોઢ ઇંચ અને ભુજમાં એક ઇંચ વરસાદ

સામખીયાળી, માધાપર, કુકમા માં જોરદાર ઝાપટાં

ભુજ : કચ્છમાં છેલ્લા બે દિવસથી વરસાદી માહોલ જામતાં આસો મહિનામાં શ્રાવણ જેવો માહોલ સર્જાયો છે. આજે બપોર પછી રાપરમાં ધોધમાર દોઢ ઇંચ વરસાદ પડ્યો હતો, ભુજમાં ભર તડકે વરસાદી માહોલ સર્જાયો હતો અને જોતજોતામાં એક ઇંચ વરસાદ પડી ગયો હતો.

  આ ઉપરાંત સામખીયાળી, માધાપર, કુકમા માં જોરદાર ઝાપટાં પડ્યા હતા. મોસમના બદલાયેલા મિજાજને પગલે નવરાત્રિના અંતિમ દિવસોમાં જામેલા માહોલ વચ્ચે વરસાદે 'વિઘ્ન' સર્જ્યું છે. જોકે, ખેલૈયાઓ તો વરસાદી માહોલ વચ્ચેય ગરબે ઘુમવા સજ્જ છે. પણ, આયોજકોને ગ્રાઉન્ડમાં ભરાયેલા પાણીના કારણે ચિંતા છે.

(8:03 pm IST)
  • સોનાની દાણચોરી માટે યુવાનનો નવતર કીમિયો : કસ્ટમ અધિકારીઓએ કોચ્ચી ઇન્ટરનેશનલ એરપોર્ટ પર એક કિલો સોનાની દાણચોરીના આરોપમાં મલપ્પુરમનો નિવાસી નૌશાદને ઝડપી લીધો : નૌશાદે માથામાં વચ્ચે વાળ મૂંડાવીને સોનાને વિગથી ઢાંકી દીધા હતા: મેટલ ડિટેક્ટની પકડથી બચવા માટે સોનાને પેસ્ટ બનાવી છુપાવ્યું હતું access_time 12:31 am IST

  • સુરતમાં ભારે પવન સાથે વરસાદ ચાલુ: વરાછા, કાપોદ્રા સ્ટેશન સહિતના વિસ્તારમાં વરસાદ: નીચલાવાળા વિસ્તારમાં પાણીની રેલમછેલ access_time 5:54 pm IST

  • મોડીરાત્રે રાજકોટના બજરંગવાડી 25 વારિયા પ્લોટ પાસે રાજીવનગર મેઈન રોડ પર રિક્ષામાં અચાનક આગ ભભૂકી : રિક્ષામાં પેટ્રોલ લીક થતું હોવાથી આગ લાગ્યાનું પ્રાથમિક તારણ : આસપાસના રહીશોએ પાણીનો મારો ચલાવ્યો : સદનસીબે કોઈ જાનહાની કે ઇજા નથી access_time 11:29 pm IST