Gujarati News

Gujarati News

News of Thursday, 6th August 2020

રાજકોટ જિલ્લાના ૯ ગામ- શહેરોના વિસ્તારોનો માઈક્રો કન્ટેઈનમેન્ટ ઝોનમાં સમાવેશ

જાહેરનામાનો ભંગ કરનાર વિરૂધ્ધ કડક કાર્યવાહી કરાશે

રાજકોટઃ  રાજકોટ શહેર અને જિલ્લાના જે વિસ્તારમાં નોવેલ કોરોના વાયરસ કોવીડ-૧૯નો પોઝીટીવ કેસ નોંધાયેલ હોય તે વિસ્તારોને આ વાયરસના ઝડપી સંક્રમણને ખાળવા માટે રાજકોટ જિલ્લા કલેકટરશ્રી રેમ્યા મોહને ૧૪ દિવસ સુધી માઇક્રો કન્ટેઇનમેન્ટ ઝોન તરીકે જાહેર કર્યા છે.

જેમાં લોધીકા તાલુકાના કાંગસીયાળી ગામની સરદાર હાઇટસ વીંગ ડી-૧૦૩, ધોરાજી ગામના વોરાવાડ અને બહારપુરા,  કોટડાસાંગાણી ગામની નગીના મસ્જીદ શેરી, જેતપુર તાલુકાના કાગવડ ગામે બસ સ્ટેન્ડ સામેનો વિસ્તાર, ઉપલેટા ગામનો બડા બજરંગ રોડ અને સોની વાડી પાસેનો વિસ્તાર, ગોંડલ તાલુકાનું મેતા ખંભાળીયા ગામ, ગોંડલમાં મહાકાળી નગર-૨, નંદનવન સોસાયટી, ગોટેચા મેન્શન શેરી, કોલેજ ચોક પાસેના વિસ્તાર વગેરેનો સમાવેશ થાય છે.

આ જાહેરનામાનો ભંગ કરનાર વ્યકિત શિક્ષાને પાત્ર થશે. રાજકોટ જિલ્લામાં ફરજ બજાવતા નાયબ પોલીસ અધિક્ષકશ્રી પોલીસ સબ ઇન્સ્પેકટરશ્રી સુધીનો હોદ્દો ધરાવનાર તમામ અધિકારીઓને આ જાહેરનામાનો ભંગ કરનાર વિરૂધ્ધ ફરિયાદ દાખલ કરવા અધિકૃત કરવામાં આવેલ છે. સરકારી ફરજ/કામગીરી ઉપરાંતના કોઈ પણ પોલીસ, હોમગાર્ડ, સરકારી કર્મચારી, અર્ધ સરકારી એજન્સી, સરકારી/પ્રાઇવેટ દવાખાનાના સ્ટાફ તથા ઇમરજન્સી સેવા સાથે સંકળાયેલ વ્યકિત કે જેઓ કાયદેસર ફરજ ઉપર હોય તેઓને તથા આવશ્યક સેવાઓ કે જે માટે અધિકૃત અધિકારી દ્વારા પરવાનગી ઇશ્યુ કરવામાં આવેલ છે, તે વ્યકિતઓને આ હુકમો લાગુ પડશે નહી.

(2:48 pm IST)
  • ટંકારાનો વરસાદી માહોલ:બંગવાડી ડેમ અને મોરબીનો મચ્છુ 3 ડેમ પણ ઓવરફ્લો થવાની તૈયારીમાં:રાજકોટ હાઇવે પર અનેક જગ્યા વૃક્ષો અને હોર્ડિંગ થયા ધરાશાઈ access_time 10:22 pm IST

  • દેશમાં કોરોનાનો કહેર : કુલ કેસની સંખ્યા 20 લાખને પાર પહોંચી : રાત્રે 8-40 વાગ્યા સુધીમાં દેશમાં કોરોનાના 20,09,144 કેસ થયા : 6,02,271 એક્ટીવ કેસ : વધુ 37,664 દર્દીઓ રિકવર થતા કુલ 13,64,907 લોકોએ કોરોનાને હરાવ્યો : વધુ 773 લોકોના મોત સાથે મૃત્યુઆંક 41,512 થયો access_time 9:06 pm IST

  • આજે અયોધ્યામાં શ્રી રામ મંદિરના શિલાન્યાસના પાવન પ્રસંગે અમેરિકાના ન્યૂયોર્કના વિખ્યાત ટાઇમ્સ સ્ક્વેરમાં રામ મંદિરનું જબરું મોટું ડિજિટલ બિલબોર્ડ દર્શાવવામાં આવ્યું હતું. access_time 11:31 pm IST