Gujarati News

Gujarati News

News of Friday, 6th July 2018

કાળીપાટના સંજય પરમારે શાપરમાં સસરાના ઘરે જઇ ઝેર ગટગટાવ્યું

રિસામણે બેઠેલી પત્નિને તેડવા ગયો પાછી ન આવતાં પગલું

રાજકોટ તા. ૬: રાજકોટ તાલુકાના કાળીપાટ ગામે રહેતાં સંજય વાલજીભાઇ પરમાર (ઉ.૩૨) નામના વણકર યુવાને શાપર વેરાવળના બુધ્ધનગરમાં રહેતાંસસરા કેશુભાઇ જેઠાભાઇ રાઠોડના ઘરે ઝેર પી લેતાં સારવાર માટે રાજકોટ સિવિલ હોસ્પિટલમાં ખસેડાયો હતો.

હોસ્પિટલ ચોકીના થોભણભાઇ ટીલારાએ નિવેદન નોંધી શાપર પોલીસને જાણ કરી હતી. સંજય બે ભાઇમાં મોટો છે અને રિક્ષાચાલક છે. તેને સંતાનમાં બે પુત્ર અને એક પુત્રી છે. પત્નિ ઇન્દુ સાથે ઝઘડો થતાં તેણી કેટલાક દિવસથી શાપર માવતરે રિસામણે આવી ગઇ હતી. ગઇકાલે સંજય તેને તેડવા ગયો ત્યારે પત્નિએ તું ઝઘડા કરે છે એટલે હમણા નથી આવવું તેમ કહેતાં માઠુ લાગી જતાં તેણે આ પગલુ ભરી લીધાનું બહાર આવ્યું હતું. સંજયની તબિયતમાં સુધારો થઇ જતાં રાત્રે જ રજા લઇ લીધી હતી. (૧૪.૫)

 

(11:56 am IST)
  • યુપીના ગોરખપુર સહીત 12 જેલોમાં બનાવાશે ગૌશાળા: ગૌશાળાઓનાં નિર્માણ કરીને રખડતા ઢોરના સંરક્ષણની વ્યવસ્થા કરાશે : ડીજીપી અને ગૌશાળા પંચના અધિકારીઓની બેઠકમાં 12 જેલની પસંદગી: 12 જિલ્લાની યાદીમાં ગોરખપુર, આગરા, બારાબંકી, કન્નોજ, રાયબરેલી, બલરામપુર, સીતાપુર, સુલતાનપુર, કાનપુર દેહાત, ફિરોઝાબાદ અને મેરઠનો સમાવેશ access_time 12:59 am IST

  • ગોરખપુર : શાળાની યુવતીઓના શૌચાલયનો વીડિયો સોશિયલ મીડિયા પર વાઇરલ: મહારાજગંજ પોલીસે શાળા પ્રાધાનાચાર્ય સહિત ચાર લોકોની ધરપકડ કરી :પોલીસ દ્વારા પોક્સો એક્ટ અને આઇટી એક્ટ હેઠળ ચારેય આરોપીઓ વિરુદ્ધ કેસ દાખલ access_time 1:03 am IST

  • પેટ્રોલ- ડીઝલના ભાવમાં એકધારો ત્રીજા દિવસે વધારો:શનિવારે પેટ્રોલના ભાવમાં લીટરે 12 પૈસા અને ડીઝલમાં લિટરે 11 પૈસાનો વધારો :શુક્રવારે પેટ્રોલમાં લિટરે 14 પૈસા અને ડીઝલમાં 17 પૈસાનો વધારો ઝીંકાયો હતો :ભાવ વધારો સવારે છ વાગ્યાથી લાગુ પડશે access_time 10:23 pm IST