Gujarati News

Gujarati News

News of Friday, 6th July 2018

ગવરીદળ પાસે અજાણ્યા વાહનની ઠોકરે ઘવાયેલા જસમતભાઇ હાડાનું મોત

રાજકોટ તા.૬: કુવાડવા રોડ ગવરીદળ પાસે પાંચ દિવસ પહેલા અજાણ્યા વાહનની ઠોકરે ઘવાયેલા આઘેડનું સારવાર દરમ્યાન મોત નિપજયું હતું.

મળતી વિગતો મુજબ ગવરીદળ ગામમાં રહેતા, જસમતભાઇ સવજીભાઇ હાડા (ઉ.વ.૫૦) ગત તા. ૨/૭ના રોજ પોતે ચાલીને જતા હતા ત્યારે આઇઓસી પ્લાન્ટ પાસે કોઇ અજાણ્યા વાહનના ચાલકે તેને હડફેટે લેતા તેને સારવાર માટે સિવિલ હોસ્પિટલમાં ખસેડાયા હતા ત્યાં તેનું ગઇકાલે સારવાર દરમ્યાન મોત નિપજયું હતું.

મૃતક બે ભાઇમાં નાના હતા. આ અંગે કુવાડવા રોડ પોલીસમથકના પીએસઆઇ પી.સી. મોલીયા તથા રાઇટર હમીરભાઇ આહીરે ગવરીદળમાં રહેતા સરપંચ અમીતભાઇ જનકભાઇ ચાવડાની ફરીયાદ પરથી અજાણ્યા વાહનચાલક વિરૂધ્ધ ગુનો દાખલ કરી તપાસ આદરી છે.

(11:51 am IST)
  • શિક્ષણમંત્રીની એટર્ની જનરલ ખાતે મુલાકાત : ફી નિયમન મામલે વચ્ચેનો રસ્તો કાઢવા મથામણ : ૧૧મીએ આ મામલો ફરી કોર્ટમાં આવશે access_time 5:58 pm IST

  • વડોદરા:ભયંકર રોગચાળો વકર્યો: નવાપુર, મદન ઝાપા અને કહાર મહોલ્લા, ખારવા વિસ્તામા રોગચાળો: 15 દિવસમા 300 લોકો ઝાડા ઉલ્ટીના રોગમા સપડાયા: પાણીના કારણે રોગચાળો ફેલાયો હોવાનુ ખાનગી તબિબનુ અનુમાન access_time 1:35 pm IST

  • રાજકોટ ક્રાઇમ બ્રાન્ચનો સપાટો : ખેરવા ગામમાં બનાવેલ ઓરડીમાંથી 17,52 લાખની જુદી-જુદી બ્રાન્ડની 4224 વિદેશી દારૂની બોટલ ઝડપી લીધી ;ઓરડીનો મલિક અનિરુદ્ધસિંહ ઉર્ફે મોન્ટુ ઝાલા વિરુદ્ધ ગુન્હો દાખલ કરાયો access_time 12:07 am IST