Gujarati News

મોરબીના ગોર ખીજડીયા ગામે ગ્રામજનોએ મહિલાની પજવણી કરતા એક ઈસમને ઝડપી લીધો હતો અને થાંભલા સાથે બાંધીને પોલીસને જાણ કરી હતી અને તાલુકા પોલીસની ટીમને સોપવામાં આવ્યો હતો

  બનાવની પ્રાપ્ત વિગતો મુજબ મોરબીના ગોર ખીજડીયા ગામમાં આજે સવારે એક શખ્શ ઘૂમતો હતો ગ્રામજનોના જણાવ્યા અનુસાર આ ઇસમ મહિલાઓની પજવણી કરતો હોય જેથી ગ્રામજનોએ ઈસમને ઝડપી લીધો હતો અને થાંભલા સાથે બાંધી દીધો હતો તેમજ આ શખ્શ પાસે રહેલા થેલાની તલાશી લેતા દેશી દારૂના અસંખ્ય બુંગીયા મળી આવ્યા હતા જેને પગલે ગ્રામજનોએ તુરંત તાલુકા પોલીસને આ અંગે જાણ કરી હતી અને આ શખ્શને તાલુકા પોલીસને સોપવામાં આવ્યો હતો જે અંગે પોલીસ સુત્રોમાંથી પ્રાપ્ત વિગતો અનુસાર ઝડપાયેલા શખ્શ પાસેથી ૧૫ લીટર દારૂ મળ્યો છે અને પોલીસ ધોરણસરની કાર્યવાહી હાથ ધરશે