Gujarati News

Gujarati News

News of Thursday, 6th May 2021

જોડિયા તાલુકાના બાદનપર ગામને કોરોનાના સંક્રમણથી અટકાવવા સેનીટાઇઝડ

બાદનપર મહિલા સરપંચના પ્રયાસોથી ગામમાં પ્રવેશનારના કોવિડ ટેસ્ટ ફરજીયાત : પાદરમાં તબીબોની સારવારની વ્યવસ્થા

(રમેશ ટાંક દ્વારા) જોડીયા, તા. ૬ :  જામનગર જિલ્લાના જોડિયા તાલુકાના બાદનપર ગામમાં કોરોનાનું સંક્રમણ અટકાવવાના ભાગરૂપે સમગ્ર ગામને સેનીટાઇઝડ કરાયું છે. ગામના મહિલા સરપંચ દ્વારા કોરોનાની ગાઇડ લાઇનનું ચુસ્તપણે પાલન થાય તેનું ધ્યાન રાખી પ્રવેશનાર લોકોનું કોવિડ પરિક્ષણ કરાવવાનું તેમજ ગામના પાદરમાં જ જરૂરી તબીબી સારવારની વ્યવસ્થા ગોઠવવામાં આવી છે.

 જામનગર જિલ્લાના જોડિયા તાલુકાના  બાદનપર ગામના સરપંચ રતનબેન હરિભાઈ ભીમાણી દ્વારા કોરોનાનું સંક્રમણ રોકવાના ભાગરૂપે જુદા જુદા પ્રયાસો હાથ ધરવામાં આવી રહ્યા છે, જેના ભાગરૂપે બાદનપર ગામ ને કોરોનાના સંક્રમણથી બચાવવા માટે સમગ્ર બાદનપર ગામ ને સેનીટાઇઝડ કરાયું છે. બાદનપર ગામની બજાર અને જાહેર માર્ગોપર સેનીટાઇઝર નો છંટકાવ કરાવાયો હતો.

 બાદનપર ગામમાં આવતા લોકો માટે કોવિડ-૧૯ની ગાઇડલાઇન મુજબ જોડિયાના સામુહિક આરોગ્ય કેન્દ્ર માં કોરોના ની ફરજિયાત ટેસ્ટ ની કાર્યવાહી કરવામાં આવી રહી છે. ઉપરાંત સમગ્ર ગામમાં કોવિડ-૧૯ ની ગાઈડલાઈન નું કડકાઇથી પાલન પણ કરાવાઈ રહ્યું છે. જેના કારણે બાદનપર ગામ માં કોરોના ના ગતિ ધીમી પડી છે.

ગામના પાદરમાં અને સંતોકી ભવનમાં સરપંચ તથા અન્ય લોકોના પ્રયાસોથી તબીબો ને હાજર રાખી પ્રાથમિક સારવાર આપવામાં આવી રહી છે.

(11:49 am IST)
  • રાજસ્થાનમાં ૧૦ મે થી ૨૪ મે સુધી કડક લોકડાઉન: લગ્ન પ્રસંગો ઉપર ૩૧ મે સુઘી પ્રતીબંઘ: રાજસ્થાનમાં કોરોના કેસોનો રાફડો ફાટી નીકળ્યો છે ત્યારે કોરોનાને કાબુમાં લેવા લોકડાઉન સહિતના આકરા પગલા સાથે અશોક ગેહલોત સરકાર આકરા પાણીએ access_time 12:07 am IST

  • દેશના અનેક ભાગોમાં કોરોના પોઝિટિવિટીનો આંક ખૂબ જ ઊંચો એનો અર્થ એ કે પ્રત્યેક સો માંથી નીચે જણાવેલ ટકા લોકોને કોરોના પોઝિટિવ, ચેકિંગ દરમિયાન જોવા મળે છે. ગોવા ૫૧.૬૭%; બેંગ્લોર ૩૯%; કર્ણાટક ૩૨%; પશ્ચિમ બંગાળ ૩૦%; હરિયાણા ૩૦%; દિલ્હી ૨૭%; કેરળ ૨૫%; પુડુચેરી ૨૭%; મધ્ય પ્રદેશ ૧૯℅; ઉત્તરાખન્ડ ૧૭%; સમગ્ર ભારત ૧૯%: ન્યૂઝફર્સ્ટ access_time 9:33 am IST

  • રાજકોટ ઍસટી ડિવીઝન ચેકીંગ સ્કવોડનો સપાટો : કટકી કરતા ૫ કંડકટર ઝડપાયા : ટીકીટ વિના મુસાફરી કરતા ૫ મુસાફરો પણ ઝડપાયા : અન્ય ગેરરીતી અંગે પણ ૯૧ કેસમાં કાર્યવાહી : ૧૭૦૦થી વધુ બસમાં ચેકીંગ : ૨૧૦૦ના દંડની વસૂલાત access_time 10:05 am IST