Gujarati News

Gujarati News

News of Thursday, 6th May 2021

સરકારનો આ તે કેવો વહીવટ? કચ્છના સિવિલ સર્જનની ૧૫ દિવસમાં ત્રણ વાર બદલી થઈ, ન થઈ, રદ્દ થઈ

તંત્ર વચ્ચે તાલમેલના અભાવે કચ્છથી મોરબી ફરી ભુજ કોવિડ હોસ્પિટલ પછી એપેડેમિક એક્ટની ચીમકી સાથે અમદાવાદ અને ફરી રદ્દ કરી ભુજમાં જ મુકાયા

(વિનોદ ગાલા દ્વારા) : (ભુજ) રાજ્ય સરકારના શ્રેષ્ઠ વહીવટની વાતો વચ્ચે કચ્છના સિવિલ સર્જનની બદલીના માત્ર ૧૫ દિ'માં જ ત્રણ ત્રણ ઓર્ડરો એ બતાવી દે છે કે, વહીવટમાં તાલમેલનો અભાવ છે. કોરોના દરમ્યાન સતત દોડતાં રાજ્યના આરોગ્યતંત્ર અને કચ્છનું વહીવટીતંત્ર થાકીને હાંફી ગયું હોય એવું દેખાઈ રહ્યું છે. કચ્છના સિવિલ સર્જન ડો. કશ્યપ બૂચની હમણાં ૧૯/૪ ના મોરબી બદલી કરાઈ હતી. તે વચ્ચે કચ્છના પ્રભારી સચિવ જે.પી. ગુપ્તાએ ભુજની સમરસ કોવિડ હોસ્ટેલ અને ગડા કોવિડ હોસ્પિટલમાં પ્રતિ નિયુક્તિ કરી આ અંગે આરોગ્ય વિભાગને જાણ કરી હતી. જ્યારે મોરબી મધ્યે ડો. બૂચ હાજર ન થયા હોવાની જાણ આરોગ્ય વિભાગને કરાઈ હતી. દરમ્યાન આરોગ્ય વિભાગે ડો. બુચને  તાત્કાલિક અમદાવાદ જીએમડીસી ધન્વન્તરિ હોસ્પિટલમાં તાત્કાલિક હાજર થવાનો ઓર્ડર કરી એપેડેમિક એક્ટ હેઠળ કાર્યવાહી કરવાની ચીમકી આપી હતી. જોકે, આ આદેશ બાદ ફરી કચ્છના પ્રભારી સચિવ જે.પી. ગુપ્તા વતી વહીવટી તંત્રએ ડો. બૂચ ભુજની બે કોવિડ હોસ્પિટલની જવાબદારી સંભાળતા હોવાની સ્પષ્ટતા કરતાં અંતે રાજ્યના આરોગ્ય વિભાગે પોતાનો નવો ઓર્ડર રદ્દ કર્યો હતો.

(11:15 am IST)
  • રશિયાની કોરોના વાયરસ વેક્સિન સ્પુટનિકે ગુરુવારે એક મોટી જાહેરાત કરી છે. કંપનીએ કહ્યું છે કે સ્પુટનિક V નું લાઇટ વર્ઝન એક જ ડોઝમાં કોરોના વાયરસનું કામ તમામ કરશે. રશિયાએ કહ્યું કે સ્પુટનિક V નો લાઈટ વર્ઝન ડોઝ એ એક માત્રા કોરોના રસી છે, જે 80% અસરકારક છે. કંપની દાવો કરે છે કે તેનું લાઇટ વર્ઝન વેક્સીન, બે-ડોઝ રસી કરતાં વધુ અસરકારક છે. સ્પુટનિકની આ લાઇટ વર્ઝન રસીને રશિયન સરકારની મંજૂરી પણ મળી છે. access_time 8:09 pm IST

  • પોરબંદરમાં આજે ર૩ મૃતદેહને અગ્‍નીસંસ્‍કાર કરાયો હતો જેમાં ર કોરોનાનો પોઝીટીવ હોવાનું જાણવા મળે છે access_time 10:37 pm IST

  • આજે ફરી રાજકોટ શહેર - જિલ્લામાં કોરોના એ ફુંફાડો માર્યો : આજે સાંજ સુધીમાં રાજકોટ શહેરમાં 526 અને ગ્રામ્યના 169 કેસ સાથે કુલ 695 નવા કોરોના ના કેસ નોંધાયા access_time 7:57 pm IST