Gujarati News

મોરબીના નીચી માંડલ નજીકની ફેકટરીમાં સીડી પરથી પડી જતા ચાર વર્ષના બાળકને ગંભીર ઈજા પહોંચતા સારવાર માટે રાજકોટ ખસેડાયો હતો જ્યાં સારવાર દરમિયાન બાળકનું મોત થયું હતું જે બનાવ મામલે તાલુકા પોલીસે વધુ તપાસ ચલાવી છે

બનાવની પ્રાપ્ત વિગતો મુજબ નીચી માંડલ નજીકની મોન્ટેલો સિરામિકમ રહીને કામ કરતા અનુજકુમાર યાદવનો ચાર વર્ષનો દીકરો અભી ગત તા. ૧૭ ફેબ્રુઆરીના રોજ ફેકટરીમાં સીડી પરથી પડી જતા માથામાં ગંભીર ઈજા થતા મોરબી બાદ વધુ સારવાર માટે રાજકોટ ખસેડાયો હતો જ્યાં સારવાર દરમિયાન બાળકનું મોત થયું હતું મોરબી તાલુકા પોલીસે અકસ્માત મૃત્યુના બનાવની નોંધ કરી ધોરણસરની કાર્યવાહી હાથ ધરી છે.