Gujarati News

Gujarati News

News of Saturday, 6th March 2021

જૂનાગઢમાં મહાશિવરાત્રી મેળો સાધુ-સંતો માટે જ યોજાશેઃ ભાવિકોને ન આવવા અપીલ

અધિક કલેકટર, ડીવાયએસપી તથા સંતો-મહંતોની બેઠકમાં નિર્ણયઃ સત્તાવાર જાહેરાત ટૂંક સમયમાં

તસ્વીરમાં સંતો-મહંતો અને અધિકારીઓ નજરે પડે છે(તસ્વીરઃ મુકેશ વાઘેલા)

(વિનુ જોશી દ્વારા) જૂનાગઢ, તા. ૬ :. કોરોના મહામારીના કારણે તંત્ર દ્વારા આ વખતે જૂનાગઢ ખાતે યોજાતો મહાશિવરાત્રીનો મેળો રદ્દ કરવામાં આવ્યો છે. જેની સામે સંતોએ મેળો યોજવા માંગણી કરતા હવે ભવનાથ ખાતે મહાશિવરાત્રીનો મેળો માત્ર સાધુ-સંતો માટે જ યોજાશે અને ભાવિકોને મેળામાં ન આવવા સાધુ-સંતો અને તંત્ર દ્વારા અપીલ કરવામાં આવશે.

આજે ભવનાથ મંદિર ખાતે મહામંડલેશ્વર પૂ. ભારતીબાપુ, ભવનાથ મંદિરના મહંત હરીગીરીજી મહારાજ, જયશ્રીકાનદગીરીજી, પૂ. ઈન્દ્રભારતીબાપુ, પૂ. હરીહરાનંદભારતીજી, પૂ. મહાદેવભારતીબાપુ, ઋષિભારતીબાપુ તેમજ અધિક કલેકટરશ્રી બારીયા તેમજ અને ડીવાયએસપી પ્રદીપસિંહ જાડેજા સહિતનાની ઉપસ્થિતિમાં મીટીંગ યોજાઈ હતી.

આ મીટીંગમાં અગાઉ વહીવટી તંત્ર દ્વારા લેવાયેલ નિર્ણય મુજબ ભવનાથ ખાતે શિવરાત્રી મેળો સાધુ-સંતો માટે જ યોજાશે. મેળામાં ભાવિકોને નહી આવવા સંતો અને વહીવટી તંત્ર દ્વારા અનુરોધ કરાયો છે.

જો કે આ અંગેની સત્તાવાર જાહેરાત ટૂંક સમયમાં કરવામાં આવશે.(૨-૨૨)

(2:42 pm IST)
  • એક સમયના મમતા બેનર્જીના નિકટના સાથી રહેલ TMC ના પૂર્વ કદાવર નેતા અને હાલમાજ BJP માં જોડાયેલ સુવેન્દુ અધિકારી નંદીગ્રામથી જ લડશે મુખ્યમંત્રી મમતા બેનરજી સામે બંગાળમાં આવી રહેલ ચૂંટણી : BJP એ કરી સત્તાવાર જાહેરાત access_time 7:23 pm IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11:30 વાગ્યા સુધીમાં કોરોનાના નવા 18, 684 કેસ નોંધાયા :કુલ કેસની સંખ્યા 1,12,10,580 થઇ :એક્ટિવ કેસ 1,81,664 થયા વધુ 14,338 દર્દીઓ સ્વસ્થ થતા કુલ 1,08,66,536 થયા :વધુ 98 લોકોના મોત સાથે કુલ મૃત્યુઆંક 1,57,791 થયા: દેશમાં સૌથી વધુ મહારાષ્ટ્રમાં નવા 10,187 નવા કેસ નોંધાયા access_time 12:20 am IST

  • રિલાયન્સ તેના તમામ કર્મચારીઓ, તેમના જીવનસાથી, માતાપિતા અને બાળકો માટે કોવિડ 19 રસીકરણનો સંપૂર્ણ ખર્ચ ઉઠાવશે access_time 9:58 am IST