Gujarati News

Gujarati News

News of Saturday, 6th March 2021

પૂ. મુકતાનંદબાપુની જય અંબે હોસ્પિટલ - ચાંપરડામાં ગત સાલ હજારો દર્દીઓએ નિદાન - સારવારનો લાભ લઇ રાહત અનૂભવી

(યાસીન બ્લોચ દ્વારા) વિસાવદર તા.૬ : ચાંપરડા બ્રહ્માનંદ ધામમાં જય અંબે મલ્ટીસ્પેશ્યાલીટી હોસ્પિટલમાં ગત ૨૦૨૦માં દર્દથી પીડાતા દર્દીઓએ બહોળી સંખ્યામાં સારવાર લીધેલ હતી.વિસાવદર તાલુકાના ચાંપરડાના બ્રહ્માનંદ ધામમાં આવેલ જય અંબે સ્પેશ્યાલિટી હોસ્પિટલમાં બહોળી સંખ્યામાં જિલ્લા, તાલુકા, સ્થાનિક તથા બહારથી આવતા પીડિત દર્દીઓએ સારવાર અર્થે જય અંબે હોસ્પિટલમાં સારવાર લીધી હતી.

જય અંબે હોસ્પિટલ ચાંપરડા ગત ૨૦૨૦ માં હોસ્પિટલના જુદા જુદા વિભાગોમાં લાભાર્થી દર્દીઓની આંકડાકીય માહિતી સર્જરી વિભાગ ૧૧૯૧૨, ફિઝીયોથેરાપી ૫૮૮૧, ગાયનેક ૧૨૩૮૧, મેડિસિન ૧૨૧૮૬, ડેન્ટલ ૬૧૪૨, ઓપ્થાલ (આંખ વિભાગ) ૧૧૯૭૧, સોનોગ્રાફી ૧૨૧૩૦, ઓર્થોપેડિક ૨૧૯૪૪, લેબોરેટરી ૨૪૯૫૬, એકસ-રે ૧૬૯૪૧, ટીબી સેન્ટર ૪૧૮૧, ઇમરજન્સી સારવાર ૨૯૭૧નો સમાવેશ થાય છે.ગત સાલ ૨૦૨૦માં જુદા જુદા વિભાગોમાં દર્દીઓએ સારવાર લઈ રાહત અનુભવી હતી.

જય અંબે હોસ્પિટલના સ્થાપક અને ક્રાંતિકારી સંત એવા પૂ. મુકતાનંદ બાપુનું એક સ્વપ્ન હતું. કે બ્રહ્માનંદ ધામ કેમ્પસમાં તમામ સુવિધાઓથી ઉપલબ્ધ એવી એક અદ્યતન હોસ્પિટલનું નિર્માણ થાય. અને એ સ્વપ્નું દાતાઓના સહયોગથી સાકાર થયેલ છે.

નિત્યક્રમ મુજબ દરરોજ પૂજય બાપુ જય અંબે હોસ્પિટલની મુલાકાત લઇ દર્દીઓ પાસે જઈ તેમની તબિયત અંગે પૃચ્છા કરી સાથોસાથ હોસ્પિટલ માં મળતી સુવિધાઓ, પડતી મુશ્કેલીઓ હોસ્પિટલના સમગ્ર ડોકટર્સ સ્ટાફ, દર્દીઓના ભોજન વ્યવસ્થા બાબતે દર્દીઓ સાથે આવેલા તેમના પ્રતિનિધિઓ મારફત પ્રતિભાવો જાણી જરૂર જણાય ત્યાં હોસ્પિટલ વ્યવસ્થાપક કમિટીને ખામી અને ખૂબી બાબતે વિનમ્ર ભાવે જણાવતા રહે છે.

(1:29 pm IST)
  • ચીને સંરક્ષણ બજેટ વધારીને ૨૦૯ અબજ ડોલર કર્યું:ચીને સંરક્ષણ બજેટને પહેલીવાર ૨૦૦ અબજ ડોલરથી વધુ રકમ સુધી વધાર્યું ચીનનું સંરક્ષણ બજેટ ભારતથી ૩ ગણું વધારીને ૨૦૯ અબજ ડોલર કરાયું: એશિયામાં શસ્ત્ર દોટ વધવાની શકયતા access_time 12:46 am IST

  • ગુજરાત સહિત ૪ રાજ્યોમાં આવતા લોકો માટે રાજસ્થાન સરકારે કોરોના નેગેટિવ રિપોર્ટ ફરજીયાત બનાવ્યો પંજાબ, હરિયાણા, મધ્યપ્રદેશ અને ગુજરાતથી આવતાં લોકો માટે રાજસ્થાન સરકારે કોવિદ નેગેટિવ રિપોર્ટ રજૂ કરવાનું ફરજિયાત બનાવ્યું છે. આ ચારેય રાજ્યોમાં કોરોના કેસો તાજેતરના સમયમાં વધતા જતા માલુમ પડ્યા છે. access_time 11:05 am IST

  • દિલ્હીનું પોતાનું હશે સ્વતંત્ર શિક્ષણ બોર્ડ : કેબીનેટે લીલીઝંડી આપી : દિલ્હીના મુખ્યમંત્રી અરવિંદ કેજરીવાલે મોટી જાહેરાત કરતાં જણાવ્યુ કે હવેથી દિલ્હીનું પોતાનું અલગથી શિક્ષણ બોર્ડ હશે : કેબીનેટે આ નિર્ણયને લીલીઝંડી પણ આપી દીધી છે : અત્યાર સુધી રાજયમાં માત્ર સીબીએસઈ અને આઈસીએસસી બોર્ડનું શિક્ષણ હતુ, પરંતુ હવેથી વિદ્યાર્થીઓ દિલ્હી બોર્ડની સંલગ્ન શાળાઓમાં દિલ્હી બોર્ડના નેજા હેઠળ અભ્યાસક્રમમાં ભણી શકશે : દિલ્હી બોર્ડનો અભ્યાસ ૨૦૨૧-૨૨ સત્રથી શરૂ થશે access_time 3:27 pm IST