Gujarati News

Gujarati News

News of Saturday, 6th March 2021

તળાજાના ધારાસભ્યએ વિધાનસભામાં ઉઠાવ્યો મુદ્દો

સરકારે અભેરાઇએ ચડાવી દીધેલ ભાવનગર જિલ્લાની એકસો જેટલી ગ્રા.પંની ફાઇલ ખોલવી

(મેઘના વિપુલ હિરાણી દ્વારા) ભાવનગર,તા.૬ : તળાજાની દસથી વધુ અને ભાવનગર જિલ્લાની એકસો જેટલી ગ્રામ પંચાયતના બિલ્ડીંગ જર્જરિત છે.આ બિલ્ડીંગ નવા બનાવવા માટે સરકારમાં કરેલી દરખાસ્ત,રજુઆત બાદ આજ સુધી કોઈજ પરિણામ લક્ષી કામ ન થતા તળાજાના ધારાસભ્યએ વિધાનસભામાં મુદ્દો ઉઠાવ્યો હતો.

તળાજાના ધારાસભ્ય અને રાજય સરકારની ખાત્રી સમિતિ ના સભ્ય કનુભાઈ બારૈયાએ જણાવ્યું હતુંકે પોતે તળાજા અને જિલ્લામાં સ્નેહ મિલનના કાર્યક્રમમાં ગયા હતા. એ સમયે ગ્રામપંચાયતના સરપંચ, સભ્યો દ્વારા પંચાયતની જર્જરિત થયેલ બિલ્ડીંગ નવી બનાવવા માટે દરખાસ્ત સરકારમાં મોકલી હતી. એ દરખાસ્તને લઈ મંત્રી જયદતસિંહને પ્રશ્ન પૂછવામાં આવેલ હતો.

એ પ્રશ્નના જવાબમાં મંત્રી દ્વારા ખાત્રી આપવામાં આવી હતી.જેમાં તળાજાની દસથી વધુ અને ભાવનગર જિલ્લાના અંદાજિત એકસો જેટલા ગામડાઓની પંચાયતના જર્જરિત બિલ્ડીંગ બનાવવાની ખાતરી છતાંય નવી બનાવવા માટેની કોઈ કાર્યવાહી સરકારે હાથ ધરેલ નહિ.જેને લઈ આજે ફરી પેટા પ્રશ્ન પૂછવામાં આવેલ.જેને લઈ આગામી સમયમાં તળાજા સહિત જિલ્લાની જે જર્જરિત બિલ્ડીંગો છે તેને નવી બનાવાવમાં વેગ મળશે.

(11:45 am IST)
  • ગુજરાત સહિત ૪ રાજ્યોમાં આવતા લોકો માટે રાજસ્થાન સરકારે કોરોના નેગેટિવ રિપોર્ટ ફરજીયાત બનાવ્યો પંજાબ, હરિયાણા, મધ્યપ્રદેશ અને ગુજરાતથી આવતાં લોકો માટે રાજસ્થાન સરકારે કોવિદ નેગેટિવ રિપોર્ટ રજૂ કરવાનું ફરજિયાત બનાવ્યું છે. આ ચારેય રાજ્યોમાં કોરોના કેસો તાજેતરના સમયમાં વધતા જતા માલુમ પડ્યા છે. access_time 11:05 am IST

  • ૧૧ થી ૧૫ માર્ચ ગાંધીનગરમાં ભાજપની પાર્લામેન્ટરી બોર્ડની બેઠક : ગુજરાત ભાજપની પાર્લામેન્ટરી બોર્ડની બેઠક ૧૧ થી ૧૫ માર્ચ સુધી ગાંધીનગર ખાતે મળશે તેમ જાણવા મળે છે access_time 3:29 pm IST

  • દિલ્હીનું પોતાનું હશે સ્વતંત્ર શિક્ષણ બોર્ડ : કેબીનેટે લીલીઝંડી આપી : દિલ્હીના મુખ્યમંત્રી અરવિંદ કેજરીવાલે મોટી જાહેરાત કરતાં જણાવ્યુ કે હવેથી દિલ્હીનું પોતાનું અલગથી શિક્ષણ બોર્ડ હશે : કેબીનેટે આ નિર્ણયને લીલીઝંડી પણ આપી દીધી છે : અત્યાર સુધી રાજયમાં માત્ર સીબીએસઈ અને આઈસીએસસી બોર્ડનું શિક્ષણ હતુ, પરંતુ હવેથી વિદ્યાર્થીઓ દિલ્હી બોર્ડની સંલગ્ન શાળાઓમાં દિલ્હી બોર્ડના નેજા હેઠળ અભ્યાસક્રમમાં ભણી શકશે : દિલ્હી બોર્ડનો અભ્યાસ ૨૦૨૧-૨૨ સત્રથી શરૂ થશે access_time 3:27 pm IST