Gujarati News

Gujarati News

News of Saturday, 6th March 2021

બગસરાની સેન્ટમેરી પ્રાથમિક શાળામાં વાલીઓ દ્વારા ઉગ્ર રજુઆત

નિયમોનુસાર શિક્ષણ કાર્ય ન થતું હોવાની ફરિયાદ : તાલુકા પ્રાથમિક શિક્ષણાધિકારી દ્વારા તપાસના આદેશ અપાયા

(દર્શન ઠાકર -સમીર વિરાણી દ્વારા) બગસરા, તા.૬: બગસરા શહેરમાં હવેલી સેન્ટ મેરી પ્રાથમિક શાળામાં યોગ્ય રીતે શિક્ષણકાર્ય કરવામાં આવતું હોય આ બાબતે વાલીઓ દ્વારા સંચાલકો સમક્ષ રજૂઆત કરી હતી. આ મુદ્દો વધારે જતા તાલુકા પ્રાથમિક શિક્ષણાધિકારી દ્વારા તપાસના આદેશ અપાયા છે.

વિગત અનુસાર બગસરાથી અમરેલી રોડ પર આવેલી અંગ્રેજી માધ્યમની સેન્ટમેરી પ્રાથમિક શાળામાં છેલ્લા ઘણા સમયથી અનેક પ્રશ્નો ઉપસ્થિત થઈ રહ્યા હોય આ બાબતે વાલીઓ દ્વારા એક સાથે એકઠા થઈ સંચાલકો વિરુદ્ઘ રજૂઆત કરવામાં આવી હતી વાલીઓના જણાવ્યા અનુસાર છેલ્લા ઘણા સમયથી સેન્ટ મેરી માં ઓનલાઇન શિક્ષણના નામે ફી ઉઘરાવી માત્ર ધતિંગ કરવામાં આવી રહ્યું હતું વાલીઓ દ્વારા બાળકોના શિક્ષણ વિશે કોઈપણ માહિતી પૂછવામાં આવતા ઉડાઉ જવાબ આપવામાં આવતા આ ઉપરાંત ગમે ત્યારે વાલીઓ ફરીયાદ કરે તો તેમના બાળકનો લીવીંગ સર્ટી લઈ જવા માટે ધમકાવવામાં આવતા હતા આમ ઘણા સમયથી ચાલતી શાળાની દાદાગીરી સામે વાલીઓ એકઠા થયા હતા અને આ તમામ પ્રશ્નોનો નિરાકરણ લાવવા માટે રજૂઆતો કરી હતી આ ઘટનાની જાણ બગસરા તાલુકા પ્રાથમિક શિક્ષણ અધિકારી સોનિયાબેન કોટડીયાને થતા તેમણે તુરંત સમગ્ર ઘટના બાબતે તપાસના આદેશ આપી દીધા છે તેમજ તપાસનો રિપોર્ટ આવે પગલાં લેવા માટે વડી કચેરીને જાણ કરવામાં આવશેનું જણાવ્યું હતું.

(11:36 am IST)
  • ૧૧ થી ૧૫ માર્ચ ગાંધીનગરમાં ભાજપની પાર્લામેન્ટરી બોર્ડની બેઠક : ગુજરાત ભાજપની પાર્લામેન્ટરી બોર્ડની બેઠક ૧૧ થી ૧૫ માર્ચ સુધી ગાંધીનગર ખાતે મળશે તેમ જાણવા મળે છે access_time 3:29 pm IST

  • અમદાવાદ : ભારતીય જનતા પક્ષના શહેર પ્રમુખો અને મોરચા સેલના હોદ્દેદારો સાથે પક્ષપ્રમુખ સી.આર. પાટીલ, પક્ષના મહામંત્રી ભીખુભાઈ દલસાણીયા સહિતના આગેવાનોની વર્ચ્યુઅલ મીટીંગમાં તમામ સ્તરેથી વડીલોને વેક્સીનેશન માટે પ્રેરીત કરવા અને જરૂર પડે ત્યા વેક્સીનેશન બુથ સુધી લઈ જવા આદેશ અપાયાનું જાણવા મળે છે access_time 3:27 pm IST

  • બિહારના લઠ્ઠાકાંડમાં કોર્ટે નવ ગુનેગારોને ફાંસીની સજા ફટકારીઃ ચાર મહિલાઓને આજીવન કારાવાસ: બિહારના ગોપાલગંજમાં ૨૦૧૬માં લઠ્ઠાકાંડ સર્જાયો હતો: ઝેરી દારુ પીવાથી ૧૯ લોકોનાં મોત અને દારૂની આડઅસરથી છ લોકોની આંખોની રોશની કાયમ માટે ચાલી ગઈ હતી .. access_time 12:59 am IST