Gujarati News

Gujarati News

News of Saturday, 6th March 2021

લોધીકા તાલુકા પંચાયતની ૨ નંબરની સીટ પર ભરતસિંહ જાડેજા સતત ચોથી ટર્મ વિજેતા જાહેર થતા અભિનંદન વર્ષા

(સલીમ વલોરા દ્વારા) તા.પઃ તાજેતરમાં યોજાયેલ રાજકોટ જીલ્લા પંચાયત તથા લોધીકા તાલુકા પંચાયતની ચંૂટણીમાં લોધીકા-૨ની સીટ ઉપર જનસંઘ વખતના ભારતીય જનતા પક્ષના સંનિષ્ઠ સમર્પિત આગેવાન સ્વ.ગુમાનસિંહ માધુભા જાડેજાના પુત્ર ભરતસિંહ જાડેજા ભાજપના ઉમેદવાર તરીકે તાલુકા પંચાયતની લોધીકા-ર નંબરની સીટ ઉપર ૪૬૬ મતની જંગી લીડથી વિજેતા થયેલ છે. ભરતસિંહ જાડેજા બાલ્ય અવસ્થાથી રા.સ્વ.સંઘ, વિશ્વ હિન્દુ પરીષદ, બજરંગ દળ તથા ભારતીય જનતા પક્ષના અદના કાર્યકર તરીકે વફાદારીથી કાર્ય કરતા આવેલ છે. તેમની પ્રંસંષનીય કામગીરીની નોંધ લઇ ભાજપ દ્વારા તાલુકા પંચાયતના સદસ્ય, પ્રમુખ, તાલુકા ભાજપ પ્રમુખ, તાલુકા પંચાયતનાં સતત બે ટર્મ સુધી પ્રમુખની જવાબદારી નિભાવેલ છે. તેમની કાર્યકાળ દરમ્યાન, સફળતાપૂર્વક કાર્યો કરી પછાત ગણાતા લોધીકા તાલુકામાં રાજય સરકાર તથા કેન્દ્ર સરકારની વિવિધ યોજનાઓનો તાલુકામાં રાજય સરકાર તથા કેન્દ્ર સરકારની વિવિધ યોજનાઓનો લોધીકા ગામ તથા તાલુકાનાં દરેક ગામને સારા પ્રમાણમાં લાભ અપાવી તાલુકાના વિકાસમાં મહત્વની કામગીરી કરેલ છે. હાલે લોધીકા તાલુકો વિકાસની કેડી ઉપર હરણફાળ ભરી રહેલ છે. તેમાં ભરતસિંહનું યોગદાન રહેલ છે.

લોધીકા-રની સીટ ઉપર તેમનો ભવ્ય વિજય થતા લોધીકા વિસ્તારમાં ખુશીની લાગણી વ્યાપી ગયેલ છે. તેમને ઠેરઠેરથી અભિનંદન વર્ષા થઇ રહેલ છે. આ તકે ભરતસિંહ જાડેજાએ પ્રદેશ ભાજપ, જીલ્લા ભાજપ, લોધીકા તાલુકાના દરેક નાના-મોટા આગેવાનો અને લોધીકા-ર વિસ્તારના તથા સાંગણવા ગામના મતદારો તથા કાર્યકરોનો પણ હૃદયથી આભાર વ્યકત કરેલ છે.

(11:36 am IST)
  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 11:30 વાગ્યા સુધીમાં કોરોનાના નવા 18, 684 કેસ નોંધાયા :કુલ કેસની સંખ્યા 1,12,10,580 થઇ :એક્ટિવ કેસ 1,81,664 થયા વધુ 14,338 દર્દીઓ સ્વસ્થ થતા કુલ 1,08,66,536 થયા :વધુ 98 લોકોના મોત સાથે કુલ મૃત્યુઆંક 1,57,791 થયા: દેશમાં સૌથી વધુ મહારાષ્ટ્રમાં નવા 10,187 નવા કેસ નોંધાયા access_time 12:20 am IST

  • ચીને સંરક્ષણ બજેટ વધારીને ૨૦૯ અબજ ડોલર કર્યું:ચીને સંરક્ષણ બજેટને પહેલીવાર ૨૦૦ અબજ ડોલરથી વધુ રકમ સુધી વધાર્યું ચીનનું સંરક્ષણ બજેટ ભારતથી ૩ ગણું વધારીને ૨૦૯ અબજ ડોલર કરાયું: એશિયામાં શસ્ત્ર દોટ વધવાની શકયતા access_time 12:46 am IST

  • દેશમાં કોરોનાના નવા કેસમાં ઝડપી વધારો : નવા કેસ કરતા રિકવર થનારની ઘટતી સંખ્યા : એક્ટિવ કેસમાં પણ વધારો :રાત્રે 12 વાગ્યા સુધીમાં કોરોનાના નવા 18,292 કેસ નોંધાયા :કુલ કેસની સંખ્યા 1,11,91,864 થઇ :એક્ટિવ કેસ 1,77,389 થયા વધુ 14,162 દર્દીઓ સ્વસ્થ થતા કુલ 1,08,52,174 થયા :વધુ 109 લોકોના મોત સાથે કુલ મૃત્યુઆંક 1,57,693 થયા: દેશમાં સૌથી વધુ મહારાષ્ટ્રમાં નવા 10,216 નવા કેસ નોંધાયા access_time 1:04 am IST