Gujarati News

Gujarati News

News of Saturday, 5th December 2020

માળીયા પાસે નીલગાય આડે ઉતરતા કાર પુલ સાથે અથડાતા રાજકોટની મહિલાનું મોત

મૃતક સાત દિવસથી સારવારમાં હતા, પતિએ જ સર્જયો અકસ્માત

(વિનુ જોષી) જૂનાગઢ તા. ૫ : માળીયા પાસે નીલગાય આડે ઉતરતા કાર પુલ સાથે અથડાતા રાજકોટના મહિલાનું તેના પતિની નજર સામે જ મૃત્યુ થતાં અરેરાટી વ્યાપી ગઇ હતી.

આ અકસ્માતની વિગતો એવી છે કે, જૂનાગઢ જિલ્લાના માળીયા હાટીના તાલુકાના પીપળવા ગામના વતની અને રાજકોટના મવડી વિસ્તારમાં આવેલ સુખસાગર સોસાયટીમાં રહેતા માલદેભાઇ લાખાભાઇ સોલંકી અને તેના પત્ની જસીબેન (ઉ.૩૬) સાથે ગત તા. ૨૬-૧૧ના રોજ તેમની જીજે૦૩-જેએલ-૪૩૯૧ નંબરની કારમાં તેમના ગામ તરફ જઇ રહ્યા હતા.

ત્યારે રસ્તામાં માળીયાના પાણીધ્રા ગામના પાટીયાથી રામવાવના પાટીયા વચ્ચે નીલગાય (રોઝડુ) કાર આડે ઉતરતા તેને બચાવવામાં માલદેભાઇએ કારના સ્ટીયરીંગ પરનો કાબુ ગુમાવી દીધો હતો.

જેના કારણે કાર પુલના ડિવાઇડર સાથે અથડાતા માલદેભાઇને પગમાં ફ્રેકચર થયેલ અને પત્ની જસીબેનને માથામાં ગંભીર ઇજા થઇ હતી.

જસીબેનનું સારવાર દરમિયાન મૃત્યુ થતાં ગઇકાલે સાંજે માળીયા પોલીસે મૃતક મહિલાના પતિ માલદે સોલંકી સામે ધોરણસરની કાર્યવાહી કરી હતી. વિશેષ તપાસ એએસઆઇ વાય.એન.વાળા ચલાવી રહ્યા છે.

(1:01 pm IST)
  • દેશમાં કોરોનાના કેસનો આંકડો 96 લાખને પાર પહોંચ્યો : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 -30 વાગ્યા સુધીમાં કોરોનાના નવા 35,002 કેસ નોંધાયા:કુલ કેસની સંખ્યા 96,06,810 થઇ :એક્ટીવ કેસ 4,08,122 થયા : વધુ 40,966 દર્દીઓ સ્વસ્થ થતા કુલ 90, 56,68 રિકવર થયા :વધુ 473 ના મોત સાથે કુલ મૃત્યુઆંક 1,39,700 થયો access_time 12:02 am IST

  • શિરોમણિ અકાળી દળના નેતા હરસિમરત કૌર બાદલની તબિયત લથડી :ચંદીગઢની હોસ્પિટલમાં દાખલ કરાયા : શ્વાસ લેવામાં તકલીફ access_time 11:50 pm IST

  • માળીયા ચોકડી પાસે જૈન સાધ્વીજીને ગંભીર અકસ્માત નડ્યો : અજાણ્યા વાહને હડફેટે લેતા ગંભીર સ્થિતિ : તેમની સાથે વિહાર કરી રહેલ એક સેવિકાનું ઘટનાસ્થળે મૃત્યુ થયાનું જાણવા મળે છે access_time 1:12 pm IST