Gujarati News

રાજકોટ તા. પ : રાજ્યના મહેસુલ વિભાગ દ્વારા બિનખેતી અને પ્રીમીયમને લગતી ઓનલાઇન કામગીરીના એસરકાર અમલ માટે ૮ મહાનગરના જિલ્લાઓમાં નવી ઉભી કરેલી પ્રિ.સ્ક્રુટીની ઓફીસરની જગ્યા પર ૮ ડેપ્યુટી કલેકટરોની નિમણૂંક કરી છે  રાજકોટ શહેર-ર ના પ્રાંત અધિકારી શ્રી જશવંત કે. જેગોડાને રાજકોટમાં જ આ જગ્યા પર નિમણૂંક આપવામાં આવી છે.

અમદાવાદના બી.આર.સાગરને જામનગર, મહેસાણાના એન.આર. શર્માને અમદાવાદ, આણંદના એન.કે. મૂછારને ભાવનગર, નર્મદાના આર.એસ. દેસાઇને ગાંધીનગર, અમરેલી આર.કે. ઓઝાને જૂનાગઢ, ગાંધીનગરના એ.ટી.પટેલને વડોદરા અને મહેસાણાના પી.પી.પટેલને સુરતમાં પ્રિ.સ્ક્રુટીની ઓફીસર (પૂર્વ તપાસ અધિકારી) તરીકે મૂકવામાં આવ્યા છે.