Gujarati News

જુનાગઢઃ અહિના શ્રીનાથનગરમાં રહેતા અને શિગાદાણાનો વેપાર કરતા વિજયભાઇ કોટડીયાના કબ્જામાંથી રૂ. ૧૨ લાખની રોકડ રકમના થેલાની લુટ સાથે ૩ બાઇક ચાલકો નાશી જતા સનસનાટી મચી જવા પામી છે.

પ્રાપ્ત વિગત મુજબ શિંગદાણાના વેપારી વિજયભાઇ પોતાની પાસેનોરૃા.૧૨ લાખની રકમનો થેલો એકટીવાની ડેકીમાંથી  કાઢતા તેમની પાસે ૩ અજાણ્યા સ્કુટર ચાલકોએ આવીને રેલ્વે સ્ટેશને જવા માટેનું સરનામુ પુછીને વાતે વળગાડેલ દરમિયાન વિજયભાઇએ ડેકીમાંથી થેલો કાઢતા ત્રણેય ઇસમો થેલો ઝુટવીને નાશી જવામાં સફળ થયા છે.

આ ઘટનાની જાણ થતા આઇ.જી.પી.સુભાષ ત્રિવેદી તથા એસ.પી. સૌરભસિંઘ ઘટના સ્થળે દોડી ગયા છે.

બંને અધિકારીઓએ ઘટના સ્થળનું નિરીક્ષણ કરી તહોમતદારોને ઝડપી લેવા શહેરમાં નાકાબંધી કરવાના આદેશો આપ્યા છે.