Gujarati News

મોરબીમાં ટ્રક ટ્રાન્સપોર્ટની હડતાલ સપ્તાહથી ચાલી રહી છે જેના પગલે મોરબીના સિરામિક ઉપરાંત પેપરમિલ એસો પણ મુશ્કેલીમાં મુકાયો છે જે અંગે આજે જીલ્લા કલેકટરને આવેદન પાઠવી રજૂઆત કરાઈ છે
મોરબી પેપરમિલ એસોના પ્રમુખ કિરીટભાઈ ફૂલતરીયાની આગેવાની હેઠળ પેપરમિલ એસોએ જીલ્લા કલેકટરને આવેદન પાઠવ્યું છે જેમાં જણાવ્યું છે કે ટ્રક ટ્રાન્સપોર્ટ એસો દ્વારા હડતાલ કરવામાં આવી છે દરમિયાન એસોના સભ્યો અથવા તેના નામથી સાચી ખોટી ઓળખ આપનાર ઈસમો પ્રાઈવેટ ટ્રક, માલવાહનો અન્ય શહેરમાંથી આવે છે જેના ડ્રાઈવરને ધમકાવે છે અને ડરાવે છે કેટલાક વાહનમાં તોડફોડના કિસ્સા બનેલ છે જેથી બહારના ટ્રક માલિકોને ટ્રાન્સપોર્ટરમાં ભયનું મોજું ફેલાયેલ છે
માલ ના મોકલી સકાતા ફેકટરીઓ બંધ કરવાની ફરજ પડી છે જેથી ૭૦૦૦ લોકોની સીધી રોજગારી અને અન્ય રોજગારી પ્રભાવિત થઇ છે અનેક મિલો સંપૂર્ણ અથવા આંશિક રીતે નિકાસના ઓર્ડરનો માલ તૈયાર હોવા છતાં મોકલી શકાતો નથી અને બાકીના પેન્ડીંગ ઓર્ડરનો માલ સમયસર તૈયાર કરી સકાય તેમ નથી પેપર પ્રોડક્ટ ડેરી, ખાદ્ય પ્રોડક્ટ અને અન્ય ફાર્મા પ્રોડક્ટમાં ઉપયોગી હોય જેનો બીજો કોઈ વિકલ્પ નથી જેથી હડતાલનો સુખદ નિરાકરણ આવે અને માલની સલામત આવક જાવક ચાલુ થાય તે માટે પોલીસ રક્ષણ આપવા માંગ કરી છે