Gujarati News

Gujarati News

News of Thursday, 5th July 2018

કચ્છના ૭ સહિત ૯ તાલુકામાં ટીપુ'ય વરસાદ નથી : ઉમરગામમાં ૩૫ ઇંચ

અમદાવાદ તા. ૫ : ગુજરાતમાં કચ્છના સાત અને અન્ય બે તાલુકામાં હજી વરસાદની રાહ જોવાઈ રહી છે. તે સિવાય બધે જ વધતો-ઓછો વરસાદ થઈ ચૂકયો છે. બુધવારની સવાર સુધીમાં રાજયમાં સરેરાશ ૯૭.૨૧ મિ.મી. જેટલો અર્થાત્ સીઝનના અપેક્ષિત વરસાદનો ૧૧.૭૦ ટકા વરસાદ પડી ગયો છે.

મહેસૂલ વિભાગના અધિકૃત આંકડાઓ મુજબ મંગળવાર સવારથી બુધવાર સવાર સુધીમાં ૨૧.૦૭ મિ.મી. વરસાદ થયો હતો. રાજયના ૮૯ તાલુકામાં ૫૦ મિ.મી. સુધીનો વરસાદ આ સિઝનમાં થયો છે. ૧૦૧ તાલુકામાં ૫૧થી ૧૨૫ મિ.મી.,૨૬ તાલુકામાં ૧૨૬થી ૨૫૦ મિ.મી., ૨૦ તાલુકામાં ૨૫૧ થી ૫૦૦ મિ.મી., ૬ તાલુકામાં ૫૦૧થી મિલી મીટરથી માડીને ૮૬૩ મિ.મી. વરસાદ થયો છે. વિભાગવાર જોઇએ તો કચ્છમા સરેરાશ ૪ મિ.મી., (૧.૦૧ ટકા), ઉત્ત્।ર ગુજરાતમાં ૬૭ મિ.મી. (૯.૨૩ ટકા) પૂર્વ-મધ્ય ગુજરાતમાં ૭૩ મિ.મી. (૮.૮૪ ટકા), સૌરાષ્ટ્રમાં ૫૧ મિ.મી. (૭.૪૫ ટકા) દક્ષિણ ગુજરાતમાં ૨૬૬ મિ.મી. (૧૮.૫૩ ટકા) વરસાદ થઈ ચૂકયો છે.

ગુજરાતમાં સૌથી વધુ ૮૬૩ મિ.મી. વરસાદ ઉમરગામ તાલુકામાં થયો છે. આમ પણ સરેરાશ ૫૯૯ મિ.મી. વરસાદ વલસાડ જિલ્લામાં થયો છે.

(11:47 am IST)
  • અમદાવાદમાં ડીએસપી કચેરી નજીક જ દારૂના અડ્ડા ઉપર રેડ access_time 5:41 pm IST

  • રાજકોટ ક્રાઇમ બ્રાન્ચનો સપાટો :ખેરવાની સીમમાંથી 17 લાખની કિંમતનો 360 પેટી દારૂ સાથે ટ્રક પકડ્યો :વધુ વિગત મેળવાઈ રહી છે access_time 10:34 pm IST

  • ચોમાસુધરી હિમાલયની તળેટીમાંથી દક્ષિણ તરફ આગળ વધીઃ દેશમાં ચોમાસુ ફરી સક્રિય બનશેઃ ખેડૂતોને થોડી રાહત મળે તેવા સમાચાર છે. હિમાલયની તળેટીમાં સરકી ગયેલી ચોમાસુધરી ફરી સક્રિય બની છે. દક્ષિણ દિશા તરફ ધીમી ગતિએ આગળ વધી રહી છે. જેથી ચોમાસુ હવે ફરી સક્રિય બનશે. દરમિયાન બંગાળની ખાડીમાં એક સાયકલોનીક સરકયુલેશન ઉદ્દભવ્યુ છે. જે હવાનું હળવુ દબાણ બને તેવી શકયતા છે. આ સિસ્ટમ્સની અસરથી ચોમાસુ વેગ પકડશે. હાલ તો છૂટાછવાયા ઝાપટા વરસશે. ભારે વરસાદની સંભાવના ઓછી છે access_time 11:28 am IST