Gujarati News

Gujarati News

News of Tuesday, 5th June 2018

ટંકારાના નાના ધંધાર્થીઓ ફેરીયાઓને નડતરરૂપ ન હોય તે જગ્યાએ ઉભા રહી ધંધો કરવા છૂટ આપો

ટંકારા, તા.પઃ ટંકારામાં નાના ધંધાર્થીઓ, ફેરીયાઓ, શાક બકાલાવાળા, પાણીપુરી, ગોલા, ગુલ્ફી, આઇસ્ક્રીમ, નાસ્તાવાળાઓને નડતર રૂપ ન હોય તેવી જગ્યાએ ઉભા રહી ધંધો કરવાની છુટ આપવાની માંગણી ઉઠેલ છે.

ટંકારામાં સરકારી તંત્ર દ્વારા રાજકોટ મોરબી હાઇવે રોડ, લતીપર ચોકડી, ખીજડીયા ચોકડીએ, લતીપર રોડ ઉપર, આવેલ આડેધડ કેબીનો, લારી, ગલ્લાવાળા તથા પાથરણાઓ વાળાઓને કડક હાથે કામગીરી કરી હરાવવામાં આવેલ છે.

પરીણામે અનેક કુટુંબોની રોજી રોટી છિનવાય છે. કામ-ધંધા વગરના બનેલ છે. મુસાફરોને, પ્રવાસીઓને પીવાના પાણી, ચા-ઠંડા જેવી જરૂરી વસ્તુ મળતી નથી. પરિણામે મુસાફરો હાલાકી ભોગવે છે.

ટંકારામાં બસ સ્ટેશન જ નથી. તેથી પાણીનું પરબ કે કેન્ટિન તો હોય જ નહી. તો મુસાફરોની સુવિધા માટે તંત્રે માનવતાવાદી બનવું જરૂરી છે.

કેટલાક ધંધા કેબીનોવાળાને પાંચ હજાર રૂ.માં ભાડે દુકાનો રાખવાની ફરજ પડેલ છે. પરંતુ ત્યાં ધંધો નથી. તો ગુજરાન કેમ ચલાવવું?

ટંકારા ચોકડીએ દિવસ-રાત પાનની દુકાનો, કેબીનો ચાલુ હતી ત્યારે ચોરી ચપાટીના બનાવો ઓછા બનતા હતા. તેમજ સી.સી.ટી.વી. કેમેરા પણ લગાડેલા હતા. તેથી અસામાજીક તત્વો ઉપર વોચ રહતી હતી. રાત્રી રોનમાં પોલીસ હોમગાર્ડસને મદદરૂપ કેબીનો ધારકો થતા હતા. તાજેતરમાં જ ત્રણ દુકાનોના તાળા તુટેલ છે.

સરકારી તંત્રે માનવતાવાદી અભિગમ અપનાવી. કોઇના રોટલા છિનવી લેવાની બદલે બે પૈસા કમાય, કુટુંબનું ગુજરાન કરી તેવું કરવાની માંગણી છે. (૨૩.૭)

(12:38 pm IST)
  • સરકારે જમ્મુ-કાશ્મીરમાં સીમા પારથી ફાયરિંગમાં મરનાર દરેક દૂધાળું પશુઓ માટે વળતરની રકમ વધારીને 50 હજાર કરી :રાજ્યમાં આ વર્ષે જાન્યુઆરીથી પાકિસ્તાન દ્વારા સંઘર્ષ વિરામનું 1200 થી વધુ વખત ઉલ્લંઘન કરાયું છે access_time 1:28 am IST

  • અમદાવાદ : ગુજરાત રાજ્યના ડીજીપીએ મીડિયાને બ્રિફિંગ કરવા બાબતે અધિકારીઓને કર્યો આદેશ : કમીશ્નરેટ વિસ્તારમાં નાયબ પોલીસ કમિશનર અને જિલ્લામાં નાયબ પોલીસ અધિકક્ષએ જ બ્રિફિંગ કરવા જણાવ્યું: બ્રિફિંગ કરતી વખતે ખાખી વર્દી પહેરવી ફરજીયાત : આ બાબતનું પાલન નહિ કરનાર સામે પગલાં લેવાશે access_time 1:33 pm IST

  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST