Gujarati News

Gujarati News

News of Tuesday, 5th June 2018

ગઢકાના ભાવેશ બાબરે પટેલ વૃધ્ધાને 'ડોસી શું સામુ જોવે છે?' કહી દાતરડુ બતાવી ધમકાવ્યા

૧૬મીના આ બનાવ પછી ૨૦મીએ પટેલ વૃધ્ધાની બે ભેંસ ચોરાઇ ગઇઃ આ ચોરીમાં પણ ભાવેશની સંડોવણી હોવાની શંકાઃ બે ગુના નોંધાયાઃ અગાઉ આ શખ્સ વિરૂધ્ધ ગામલોકોએ રજૂઆત કરી'તી

રાજકોટ તા. ૫: સરધારના ગઢકા ગામે રહેતાં ભાવેશ કેશુભાઇ મકવાણા નામના બાબર શખ્સ વિરૂધ્ધ થોડા દિવસ પહેલા ગ્રામજનોએ તેના ત્રાસ અંગે પોલીસ કમિશ્નરને રજૂઆત કરી હતી. આ શખ્સે વીસેક દિવસ પહેલા પટેલ વૃધ્ધાને 'ડોસી શું સામુ જોવે છે?' કહી દાતરડુ બતાવી ધમકાવ્યા હતાં તેમજ એ બનાવ પછી તેમની બે ભેંસો ચોરાઇ ગઇ હતી. આ બનાવમાં પોલીસે બે ગુના નોંધી તપાસ શરૂ કરી છે.

આજીડેમ પોલીસે ગઢકાના રાજેશભાઇ ગાંડુભાઇ આટકોટીયા (પટેલ) (ઉ.૪૬)ની ફરિયાદ પરથી ભાવેશ કેશુભાઇ મકવાણા (બાબર) સામે આઇપીસી ૪૫૨, ૫૦૪, ૧૩૫ (૧) મુજબ ગુનો નોંધ્યો છે. રાજેશભાઇના કહેવા મુજબ ૧૬/૫ના સાંજે પાંચેક વાગ્યે તેમના માતા ઘરની ડેલીએ બેઠા હતાં ત્યારે ભાવેશે 'ડોસી શું સામુ જોવે છે?' તેમ કહેતાં વૃધ્ધાએ પોતે કંઇ સામુ જોતા નથી તેમ કહી ઘરમાં જતાં રહેતાં આ શખ્સ દાતરડુ લઇ ઘરમાં ઘુસી ગયો હતો અને ગાળો દઇ ધમકી આપી હતી. આ મામલે જે તે વખતે તેના વિરૂધ્ધ અરજી કરાઇ હતી. તે અંગે હવે ગુનો દાખલ થયો છે.

એ પછી ૨૦/૫ના રોજ રાજેશભાઇની વાડીમાંથી રૂ. ૧ાા લાખની બે ભેંસ ચોરાઇ ગઇ હતી. આ મામલે પણ પોલીસને જાણ કરી હતી. આ અંગે પણ અલગથી ગુનો નોંધાયો છે. રાજેશભાઇએ પોલીસ સમક્ષ એવી શંકા દર્શાવી છે કે ભેંસ ચોરીમાં પણ કદાચ ભાવેશની સંડોવણી હશે. આજીડેમના તપાસનીશ એફ.આર. રાઠવા અને જયેન્દ્રભાઇ દવેએ તપાસ હાથ ધરી છે. (૧૪.૭)

(11:40 am IST)
  • સીરિયાના રાષ્ટ્રપતિ બસર અલ-અસદ ઉત્તર કોરિયાની મુલાકાત લેશે :વર્ષ 2011માં સત્તા સંભાળ્યા બાદ પ્રથમ વખત કિમ જોંગ-ઉને કોઈ દેશના સર્વોચ્ચ પદાધિકારીનું સ્વાગત કરશે:વર્ષ 1966માં સીરિયા સાથે ઉત્તર કોરિયાએ રાજદ્વારી સંબંધો સ્થાપ્યા હતા: ઉત્તર કોરિયાએ 1973ના આરબ-ઇઝરાયલ યુદ્ધમાં સેના અને હથિયાર બન્ને મોકલ્યા હતા access_time 1:26 am IST

  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST

  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST