Gujarati News

Gujarati News

News of Tuesday, 5th June 2018

જસદણમાં પ્રબુધ્ધ નાગરિક સંમેલન

જસદણમાં ચિતલીયા કુવા રોડ પર આવેલ છાયાણીની વાડી ખાતે જીલ્લા ભાજપ દ્વારા પ્રબુધ્ધ નાગરિક સંમેલનનું આયોજન કરવામાં આવ્યું હતું. આ સંમેલન પ્રદેશ ભાજપ પ્રતિનિધિ ડો.ભરતભાઇ કાનાબાર અને રાજકોટ જિલ્લા ભાજપ પ્રમુખ ડી.કે.સખીયાના અધ્યક્ષસ્થાને યોજવામાં આવ્યું હતું. જસદણમાં યોજાયેલ પ્રબુધ્ધ નાગરિક સંમેલનમાં જસદણ શહેરના ઉઘોગપતિઓ, ડોકટરો, શિક્ષણ જગતના આગેવાનો તેમજ વિવિધ ક્ષેત્રના પ્રબુધ્ધ નાગરિકો બહોળી સંખ્યામાં સ્વયંભુ ઉપસ્થિત રહ્યા હતા. આ સંમેલનમાં જીલ્લા ભાજપ મહામંત્રી ભાનુભાઈ મેતા, ડો.ભરતભાઇ બોઘરા, જશુમતીબેન કોરાટ, રાજકોટ-૪નાં ધારાસભ્ય લાખાભાઈ સાગઠિયા, રાલો સંદ્યના ચેરમેન નીતિનભાઈ ઢાંકેચા, જસદણ નગરપાલિકા પ્રમુખ જીજ્ઞેશભાઈ હીરપરા, ઉપપ્રમુખ રેખાબેન પંકજભાઈ ચાંવ, કારોબારી ચેરમેન બીજલભાઈ ભેસજાળીયા, પાલિકા સદસ્ય નરેશભાઈ ચોહલીયા સહિતના નગરપાલિકાના પદાધિકારીઓ અને ભાજપના આગેવાનો ઉપસ્થિત રહ્યા હતા. આ તકે રાજકોટ બેડી યાર્ડનાં ચેરમેન ડી.કે.સખીયાનું જસદણ માર્કેટિંગ યાર્ડના નવનિયુકત ડીરેકટર નરેશભાઈ ચોહલીયા દ્વારા સન્માન કરવામાં આવ્યું હતું.  આ કાર્યક્રમમાં પ્રધાનમંત્રી નરેન્દ્રભાઇ મોદી વિશે રાષ્ટ્રીય સંતો રમેશભાઈ ઓઝા, મોરારીબાપુ વગેરે મહાપુરુષોના મંતવ્યો વિચારો રજુ કરતી ડોકયુમેન્ટરી રજુ કરવામાં આવી હતી. સાથે-સાથે ભારત સરકારની ચાર વર્ષની સિદ્ઘિઓ, સેવાઓ, વિકાસકાર્યો તેમજ છેવાડાના લોકોને અતિ ઉપયોગી વિવિધ યોજનાઓ વિશે માહિતી આપવામાં આવી હતી. આ કાર્યક્રમનું સંપૂર્ણ સંચાલન રાજકોટ જિલ્લા ભાજપના બૌદ્ઘિક સેલના પ્રમુખ રાજુભાઇ ધારૈયા દ્વારા કરવામાં આવ્યું હતું.

(11:36 am IST)
  • ઈરાને પોતાની યુરેનિયમ સંવર્ધન શ્રમતા વધારવાની દિશામાં કામ શરૂ કર્યું :ઈરાને આ માટે 2005માં વિશ્વના તાકાતવર દેશો સાથે થયેલ પરમાણુ સમજૂતી પર મંડરાતા ખતરાને મોટો જવાબદાર ગણાવ્યો છે ;ઈરાનની પરમાણુ એજન્સીના પ્રમુખે કહ્યું કે તેઓ 'નાતાંજ 'ક્ષેત્રમાં આધુનિક સેટ્રિફ્યુઝને વિકસિત કરવાવાળા માળખા પર કામ કરી રહ્યા છે access_time 1:15 am IST

  • ગ્વાટેમાલામાં જવાળામુખીએ ૬૫નો ભોગ લીધો : હજુ વધુ મૃતદેહો દટાયા હોવાની આશંકાઃ ૩ દિવસનો રાષ્ટ્રીય શોક : મધ્ય અમેરીકાના દેશ ગ્વાટેમાલામાં રવિવારે ફયુગો જવાળામુખીમાં ૧૦૦ વર્ષો બાદ ભયંકર બ્લાસ્ટ થયેલ : અનેક લોકો હજુ પણ ગૂમ છે. ગૂમ થયેલા લોકોની સંખ્યા કેટલી છે તે વિશે કોઇ માહિતી નથીઃ કુલ ૧૭ લાખ લોકો પ્રભાવીત access_time 3:51 pm IST

  • પેટ્રોલ ડીઝલમાં સતત આઠમા દિવસે ભાવ ઘટશે:બુધવારે પેટ્રોલમાં લિટરે 9 પૈસા અને ડીઝલમાં 6 પૈસાનો ઘટાડો થવાની શકયતા :ઘટયા ભાવ સવારે છ વાગ્યાથી લાગુ થશે :નવા ભાવ મુજબ પેટ્રોલ લિટરે 76,99 રૂપિયા અને ડીઝલનો ભાવ લિટરે 73,94 રૂપિયા થશે :રાજ્ય પ્રમાણે કરવેરા અલગ થશે:છેલ્લા સાત દિવસથી પેટ્રોલ ડીઝલના ભાવમાં ઘટાડો થઇ રહ્યો છે access_time 12:09 am IST