Gujarati News

Gujarati News

News of Tuesday, 5th June 2018

સુત્રાપાડા તાબાના કદાવરગામથી હિરાકોટ બંદરનું કામ ચોમાસા પહેલા પૂર્ણ કરોઃ આંદોલન

પ્રભાસપાટણ, તા.પઃ સુત્રાપાડા તાલુકાનાં કદવાર ગામની હિરાકોટ બંદરનું રોડ વર્ષોથી બિસ્માર હાલતમાં છે. આ રોડ ૪પ લાખનાં ખર્ચે મંજુર થયેલ છે અને રસ્તાની કામગીરી પરિશ્રમ બિલ્ડર્સ દ્વારા કરવામાં આવી રહેલ છે. આ રસ્તો શરૂ કરી અને બે વખત બંધ કરવામાં આવેલ છે.

બે દિવસ પહેલા ધારાસભ્ય ભગવાનભાઇ બારડ અને આગેવાનોની હાજરીમાં રોડ શરૂ કરેલ અને ૪૦૦ મીટરનું મેટલીંગનું કામ કરી અને ફરીથી રસ્તાની કામગીરી બંધ થયેલ છે. આ રસ્તો ચોમાસા પહેલા બનાવવો ખુબ જ જરૂરી છે બાકી હિરાકોટ બંદરના લોકો મોટી મુશ્કેલીમાં મુકાવાનાં છે અને બંદરની બહાર નીકળવું મુશ્કેલ બનશે.

આ રસ્તો ફરીથી ચોમાસા પહેલા પૂરો થાય તે માટેના તાજેતરમાં પ૦ થી ૬૦ લોકો માર્ગ અને મકાનનાં ઇજનેરની વિરૂધ્ધમાં વેરાવળનાં ઇણાજ ગામે આવેલ કલેકટર કચેરીઓ ભૂખ હડતાલમાં બેઠેલા છે. જેમાં હિરાકોટ બંદરનાં પટેલ હરજીભાઇ, સુત્રાપાડા તા.પ.નાં સભ્ય ભગાભાઇ ખૂંટ, ગ્રા.પંનાં સભ્ય વીરજીભાઇ અને ફકીરભાઇ  મચ્છીયારા સમાજનાં પટેલ અયુબભાઇ અને અન્ય લોકો કલેકટર કચેરીએ ભૂખ હડતાલમાં બેઠેલા છે અને આ પ્રશ્રનો નિકાલ ન આવે ત્યાં સુધી ભૂખ હડતાલ ચાલુ રહેશે.

(11:34 am IST)
  • મુંબઈમાં મુશળધાર વરસાદ: બદલાપૂર, ડોમ્બિવલી, વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST

  • ઓપરેશન બ્લુસ્ટારની વરસીએ સુરક્ષા વધારાઈ :પોલીસકર્મીની રાજા કેન્સલ :મંદિર પરિસર આસપાસ 3200 પોલીસ જવાનો તૈનાત :શહેરના પ્રવેશ માર્ગો પર મોટો પોલીસ કાફલો ખડકી દેવાયો :એરપોર્ટ, રેલવે સ્ટેશન અને શહેરમાં આવતા તમામ માર્ગોમાં ચુસ્ત બંદોબસ્ત ગોઠવાયો ;વાહનોનું ચેકીંગ access_time 12:29 am IST

  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST