Gujarati News

Gujarati News

News of Tuesday, 5th June 2018

ગોંડલ સરકારી હોસ્પિટલમાં તબીબોના અભાવે દર્દીઓનો હંગામો

ગોંડલ, તા. પ : અત્રેની સીવિલ હોસ્પિટલમાં દર્દીઓની લાંબી કતારો લાગી હતી, તો કેટલીક પ્રસુતાઓ ઇમરજન્સી સારવારના અભાવે લોબીમાં આળોટી પીડા ભોગવી રહી હતી, ઓપીડી વિભાગમાં બે તબીબોની જગ્યાએ માત્ર એકજ તબીબ હાજર હોય અને દર્દીઓની કતાર જામી હોય સાથો સાથ ઇમરજન્સી પણ હોય માત્ર એક તબીબની પરિસ્થિતિ કાબુમાં ના રહેતા અફડાતફડી મચી જવા પામી હતી અને દર્દીઓએ ઇમરજન્સીમાં ઘુસી જઇ હંગામો મચાવી મૂકયો હતો.

હોસ્પિટલના અધિક્ષક ડો. વાણવી રજા ઉપર હોય 'રેઢા પડ' સમી હોસ્પિટલમાં પીડીત દર્દીઓની વેદના કોઇ સાંભળનાર ન હોય રોષ ફેાલયો હતો. દરમ્યાન શિવમ ગ્રુપના દિનેશભાઇ માધડ દર્દીઓની વ્હારે દોડી જઇ અન્ય તબીબ ડો. સિંહાને તેમના નિવાસ સ્થાનેથી બોલાવી ઓપીડીમાં વ્યવસ્થા માટે રજુઆત કરતા ફરજ પૂરી થઇ હોવા છતાં ડો. સિંહાએ દર્દીઓને તપાસવાનું શરૂ કરતા પરિસ્થિતિ કંઇક અંશે થાળે પડી હતી. હાલ ઓપીડીમાં ફરજ બજાવતા તબીબ પણ ડેપ્યુટેશન ઉપર મૂકાયા છે.

ઓગણીસ તબીબોનું સેટઅપ ધરાવતી હોસ્પિટલ માત્ર એક તબીબ દ્વારા ચાલી રહી હોય દર્દીઓ પેરશાની ભોગવી રહ્યા છે. ચોર્યાસી ગામડા અને દોઢ લાખની વસ્તી ધરાવતી ગોંડલ શહેરમાં સરકારી હોસ્પિટલ ખાસ કરીને ગરીબ અને મધયમવર્ગી દર્દીઓ માટે આશિર્વાદરૂપ ગણાય, પરંતુ તબીબોના અભાવે ખુદ હોસ્પિટલ માંદગીના ખાટલે હોય અને પ્રાઇવેટ તબીબી સેવા મોંઘીદાટ હોય દર્દીઓની હાલત કફોડી બનવા પામી છે ત્યારે નેતાગીરીમાં મજબુત કહેવાતું ગોંડલ હોસ્પિટલના મુદે નબળાઇ દાખવી રહ્યાનું સુજ્ઞ નગરજનો કરી રહ્યા છે.

(11:23 am IST)
  • ઉના : સિંહની પજવણીનો વધુ એક વિડીયો વાયરલ : ગામમાં આવેલ 2 સિંહ પાછળ કાર ચલાવી સિંહને કરાયા હેરાન : સિંહને જોવાની લ્હાયમાં સિંહની પાછળ ચલાવાઈ કાર : સિંહ સંવર્ધનની વાતો વચ્ચે સતત સિંહોની પજવણીના વિડીયો સામે આવી રહ્યાં છે access_time 1:25 pm IST

  • ઈરાને પોતાની યુરેનિયમ સંવર્ધન શ્રમતા વધારવાની દિશામાં કામ શરૂ કર્યું :ઈરાને આ માટે 2005માં વિશ્વના તાકાતવર દેશો સાથે થયેલ પરમાણુ સમજૂતી પર મંડરાતા ખતરાને મોટો જવાબદાર ગણાવ્યો છે ;ઈરાનની પરમાણુ એજન્સીના પ્રમુખે કહ્યું કે તેઓ 'નાતાંજ 'ક્ષેત્રમાં આધુનિક સેટ્રિફ્યુઝને વિકસિત કરવાવાળા માળખા પર કામ કરી રહ્યા છે access_time 1:15 am IST

  • રાજકોટ ડાંગર કોલેજમાં બોગસ ડિગ્રીનો મામલો :જિલ્લા ભાજપ મહામંત્રી ભાનુ મહેતાની એસઓજીએ પૂછપરછ કરી :જિલ્લા ભાજપ કાર્યાલયથી ભાજપના અગ્રણી નેતાની અટકાયત :ડાંગર કોલેજના ટ્રસ્ટના પ્રમુખ છે ભાનુ મહેતા access_time 12:40 am IST