Gujarati News

Gujarati News

News of Tuesday, 5th June 2018

13મીએ વાંકાનેર અને 14મીએ મોરબી નગરપાલિકાના મહિલા પ્રમુખની ચૂંટણી:સીરામીક નગરીમાં જામશે જંગ

 

મોરબી અને વાંકાનેર નગરપાલિકામાં મહિલા પ્રમુખની અઢી વર્ષની ટર્મ પૂર્ણ થતા હવે પ્રમુખપદ માટેની ચુંટણી યોજાનાર છે જેમાં વાંકાનેર નગરપાલિકામાં ભાજપની બહુમતી હોવાથી પ્રમુખની સીટ ભાજપ માટે નક્કી છે જોકે મોરબી નગરપાલિકામાં નવાજુની થઇ સકે છે.

   મોરબી નગરપાલિકાની ચુંટણી બાદ નિયમ મુજબ મહિલા પ્રમુખની વરણીકરાઈ હતી જોકે સત્તાની ખેંચતાણમાં સ્થિર શાસન જોવા મળ્યું ના હતું અને પ્રથમ કોંગ્રેસ બાદ વિકાસ સમિતિના મહિલા પ્રમુખે ગાદી સાંભળી હતી તો હાલ ભાજપના ગીતાબેન કણઝારીયા પ્રમુખપદ છે મહિલા પ્રમુખની અઢી વર્ષની ટર્મ પૂર્ણ થતી હોય જેથી રાજ્ય સરકારના આદેશ મુજબ તા. ૨૨ જુન સુધીમાં ચુંટણી યોજવાની હોય   મોરબી જીલ્લાની વાંકાનેર નગરપાલિકામાં તા. ૧૩ ના રોજ જયારે મોરબી નગરપાલિકામાં તા. ૧૪ ના રોજ ચુંટણી યોજાનાર છે.જેમાં વાંકાનેર નગરપાલિકામાં ભાજપ સ્પષ્ટ બહુમતી ધરાવતું હોવાથી પ્રમુખની ચુંટણી આસાનીથી પાર પડી જશે જયારે મોરબી પાલિકામાં ભાજપ કે કોંગ્રેસ એકપણ પક્ષ પાસે સ્પષ્ટ બહુમતી નથી અને વિકાસ સમિતિના ટેકાથી શાસન સંભાળતા ભાજપને હવે વિકાસ સમિતિનો ટેકો મળે છે કે પછી કોંગ્રેસના અસંતુષ્ટ એવા વિકાસ સમિતિના સદસ્યો ફરીથી કોંગ્રેસમાં ઘરવાપસી કરે છે તેના પર સઘળો દારોમદાર રહેશે

   ઉપરાંત કોંગ્રેસના બાગી સદસ્યો સામે પક્ષાંતર ધારા હેઠળ કરેલી કાર્યવાહીમાં સાત સદસ્યો સસ્પેન્ડ થયા છે જેની સુનાવણી પણ પ્રમુખ ચુંટણી પૂર્વે થશે જેથી ફેસલો તરફેણમાં આવે છે કે વિરોધમાં તે સમીકરણો પણ અસર કરશે તેવું રાજકીય પંડિતો માની રહ્યા છે

(9:55 pm IST)
  • સ્ક્રેપના કોન્ટ્રાકટર પાસેથી બોફોર્સમાં તોપ અને ટેન્કના ગોળા મળતા ખળભળાટ ;પાકિસ્તાન સરહદે સ્થિત જેસલમેરમાં મોટી કાર્યવાહી :પોખરણ ક્ષેત્રમાંથી સ્ક્રેપ ખરીદનાર એક મોટા કોન્ટ્રાકટરના ગોદામમાથી મોટી સંખ્યામાં ગોળા જપ્ત :સેનાના ઇન્ટેલિજન્સે સમગ્ર વિસ્તાર સીલ કરી દીધો :સૈન્ય અધિકારીઓ પહોંચ્યા :બૉમ્બ-ગોળાની ગણત્રીચાલુ access_time 1:25 am IST

  • સાંસદો - ધારાસભ્યો સામેના કેસની સ્પેશ્યલ અદાલતો માટે પોણા બે કરોડ મંજૂર: દેશના ધારાસભ્યો, સાંસદો સંબંધી ૧૫૦૦ કેસ ચાલે છે તેનો નિકાલ લાવવા સરકારે ૧૦ વિવિધ રાજ્યોમાં અને દિલ્હીમાં બે એમ કુલ ૧૨ ખાસ અદાલતો રચવા નિર્ણય કરીને તે માટેનું ખાસ ફંડ તરીકે ૧.૭૯ કરોડ મંજૂર કર્યા છે access_time 11:21 am IST

  • હવાઇના બિગ આઇલેન્ડ પર છેલ્લાં એક મહિનાથી સક્રિય કિલાઉ જ્વાળામુખીમાં બ્લાસ્ટ હજુ પણ યથાવત: હવાઇ ઓથોરિટી મુજબ અહીં ડઝનથી વધુ નાગરિકો લાવાના કારણે ફસાયેલા છે:બિગ આઇલેન્ડના નાગરિકોને 24 કલાકમાં જ આ સ્થળ ખાલી કરી દેવાના આદેશ :તમામ લોકો વીજળી, સેલફોન કવરેજ વગર, ઉપરાંત પીવાના પાણી વગર રહે છે. access_time 1:22 am IST