Gujarati News

Gujarati News

News of Tuesday, 4th May 2021

ટંકારાના નેકનામ નજીક અજાણ્યા વાહનની ઠોકરે બાઈકસવાર બે વૃદ્ધના કરુણ મોત

ટંકારા તાલુકાના નેકનામ હમીરપર રસ્તા પરથી પસાર થતા ડબલ સવારી બાઈકને અજાણ્યા વાહન સાથે ટક્કર થવા પામી હતી જે અકસ્માતમાં બાઈક સવાર બે વૃધને ગંભીર ઈજાઓ થતા ઘટનાસ્થળે જ મોત થયા હતા
બનાવની મળતી વિગતો મુજબ ટંકારા તાલુકાના નેકનામ-હમીરપર ગામ પાસેથી ડબલ સવારી બાઇક પસાર થતું હતું ત્યારે અજાણ્યા વાહને બાઈકને ઠોકરે ચડાવતા બાઈક સવાર બંને વૃદ્ધો ફંગોળાઈ ગયા હતા અને શરીરે ગંભીર ઈજાઓ થતા ઘટનાસ્થળે જ બંને વૃદ્ધના મોત થયા હતા મૃતક ટીશાભાઈ ગોગાભાઇ ભરવાડ (ઉ.વ.૬૭) રહે રેલનગર મેઈન રોડ રાજકોટ અને વાલાભાઈ ભાનાભાઈ ભરવાડ (ઉ.વ.૬૨) રહે મીતાણા વાળાના મોત થયાની માહિતી મળી છે
તો અકસ્માત સર્જી અજાણ્યો વાહનચાલક નાસી ગયો હતો ટંકારા પોલીસે બનાવની નોંધ કરી ફરિયાદ નોંધવા તજવીજ હાથ ધરી છે તેમજ અકસ્માત સર્જી નાસી જનાર અજાણ્યા વાહનચાલકને ઝડપી લેવા તપાસ હાથ ધરી છે

(10:36 pm IST)
  • મહેસાણા શહેરની જાહેર જનતાને જણાવવાનુ કે, કોરોના વાયરસના વધતા સંક્રમણને અટકાવવા માટે ગૃહ વિભાગ, ગાંધીનગર (ગુજરાત સરકાર) ના જાહેરનામા ક્રમાંક વિ-૧૧૦૨૦૨૦ ૪૮૨-૭ તા.૪૨૦૨૧ મુજબ તા.૧૨,૦૫/૨૦૧ સુધી ફકત મેડીકલ સ્ટોર, દુધ કેન્દ્ર, કરીયાણાની દુકાની, અનાજ દળવાની ઘંટી તથા જાહેરનામા માં પરવાનગી આખ્યા મુજબના એકમો જ ખુલ્લા રાખી શકાશે. આ સિવાયના તમામ એકમો બંધ રાખવાના રહેશે અને જો જાહેરનામા માં મંજુરી આપ્યા સિવાયના એકમો ખુલ્લા જણાશે તો જાહેરનામા નાં ભંગ બદલની કાર્યવાહી ક૨વામાં આવશે તથા સેવા એકમો સીલ ક૨વામાં આવશે. જેની તમામ વેપારી એકમોએ નોંધ લેવી. access_time 8:58 pm IST

  • રાજકોટમાં સતત બીજા દિવસે પવનના જોર વચ્ચે ગરમીમાં આંશિક ઘટાડો : રાજકોટ શહેરમાં બપોરે ૪૦.૪ ડીગ્રીઃ ૧૪ કિ.મી.ની ઝડપે પવન ફૂંકાય છેઃ સાંજ સુધીમાં ૪૧ ડીગ્રી આસપાસ તાપમાન નોંધાય તેવી સંભાવના access_time 3:47 pm IST

  • અત્યારે સવારે ૧૦ વાગે શક્તિકાન્ત દાસ શું જાહેરાત કરશે ? સહુની નજર રિઝર્વ બેન્કના ગવર્નર શક્તિકાન્ત દાસ અત્યારે સવારે ૧૦ વાગે દેશ સમક્ષ કોઈ મહત્વની વાત કરશે તેમ ન્યુ ફર્સ્ટનો અહેવાલ જણાવે છે. access_time 9:21 am IST