Gujarati News

Gujarati News

News of Friday, 5th March 2021

પત્‍નીને ભરણપોષણ નહિ ચુકવતા પતિને સજા ફટકારતી જુનાગઢ ફેમીલી કોર્ટ

(વિનુ જોશી દ્વારા) જુનાગઢ તા.પ : પત્‍નીની ચડત ભરણપોષણની રકમ વસુલ ન આપતા પતિને પ૪૦ દિવસની સજા ફેમીલી કોર્ટે ફરમાવી હતી.

આ બનાવની ટુંકમાં હકીકત એવી છે કે, જુનાગઢના રહેવાસી રુકશાનાબેન સીદીકભાઇ હીંગરોજાના લગ્ન રાજકોટના રહેવાસી ઇમરાન ઇસ્‍માઇલ નોતિયાર સાથે થયેલા પરંતુ વગર વાંકે રૂકશાનાબેનને તેના પતિેએ પહેરેલ કપડે ત્‍યાગ કરતા ત્‍યારથી તેઓ તેના માવતરે ઓશીયાળુ જીવન જીવતા અને ભરણ પોષણની કોઇ વ્‍યવસ્‍થા ન કરતા છેવટે તેમણે તેમના વકીલ મનોજભાઇ શુકલ મારફતે ભરણ પોષણ મેળવવા દાવો દાખલ કરતા માસીક રૂા.૪૦૦૦  સામાવાળાને નિયમીત ચુકવવાનો આદેશ કરેલ એ છતાં સામાવાળા નિયમીત ભરણપોષણ વસુલ ન આપતા છેવટે ચડત ભરણપોષણ બાવીશ મહિનાની ચડત ભરપોષણની રકમ વસુલ મેળવવા ફેમીલી કોર્ટમાં અરજ ગુજારતા અરજદારના વકીલ મનોજભાઇ શુકલની રજુઆતને ધ્‍યાનમાં લઇ જુનાગઢ ફેમીલી કોર્ટના જજ શ્રી પરિખે સામાવાળા ઇમરાન ઇસ્‍માઇલને ફુલ પ૪૦ દિવસની સજાનો હુકમ ફરમાવી તેની અમલવારી માટે જરૂરી સંબંધીત પોલીસ કમિશનરને આગળની કાર્યવાહી સાથે મોકલેલ છે. અરજદાર તરફે જુનાગઢની શુકલ બાર એસોસીએટસના ધારાશાષાી શ્રી મનોજ શુકલ , અમીત શુકલ, નવીનચંદ્ર શુકલ વગેરે રોકાયેલા હતા.

(1:11 pm IST)
  • કોરોના પ્રોટોકોલ તોડીને વૈષવોદેવીની યાત્રાએ ગયા પોઝીટીવ દર્દી : ફરિયાદ દાખલ :હોમ આઇસોલેશનમાં રખાયેલા કોરોના દર્દીઓ વૈષ્ણો દેવીની યાત્રાએ પહોંચ્યા :આરોગ્ય વિભાગે ત્રણ લોકો સામે ગુનો નોંધ્યો: સદર કોટવાલી ક્ષેત્રનો શ્રીપાલ બિહાર કોલોનીસ્કૂલની છોકરીનો રિપોર્ટ પોઝિટિવ આવ્યો:તેના માતા-પિતાની પણ તપાસ કરતા તેઓને પણ ચેપ લાગ્યો હતો: આરોગ્ય વિભાગે પરિવારને એકાંત રહેવાની સલાહ આપી હતી. પરંતુ યુવતીના માતા-પિતા વૈષ્ણો દેવીની યાત્રાએ નીકળ્યા હતા access_time 1:03 am IST

  • અમે ટ્રેક્ટરમાં પંખા ફિટ કર્યા છે જે ઉનાળાને ધ્યાનમાં રાખીને આવતીકાલે અમૃતસરથી દિલ્હી જવા રવાના થશે અને મચ્છરોને દૂર રાખવા અને વેન્ટિલેશન સુનિશ્ચિત કરવા માટે જાળીઓ પણ મૂકી છે. સરકાર ખેતીના નવા કાયદા પાછા નહીં લે ત્યાં સુધી અમે અમારો સંઘર્ષ ચાલુ રાખીશું - એસ.એસ.પંધર, કિસાન મજૂર સંઘર્ષ સમિતિના રાજ્ય સેક્રેટરી access_time 9:23 pm IST

  • મ્યાંમારમાં ભારે હિંસા : 19 પોલીસકર્મી ભાગીને ભારત પહોંચ્યા : માંગ્યું શરણ : આ તમામ મ્યાનમારની સરહદે આવેલા પૂર્વ-પૂર્વ રાજ્ય મિઝોરમના બે જિલ્લા ચંપાઈ અને શેરચિપ થઈને ભારતમાં પ્રવેશ્યા:બધા લોકો નીચલા ક્રમાંકિત પોલીસ અધિકારીઓ : તેઓ ભારતની સરહદ પર આવ્યા ત્યારે તેમની પાસે કોઈ હથિયાર નહોતા access_time 1:13 am IST