Gujarati News

Gujarati News

News of Friday, 5th March 2021

ભાજપની આંધી સામે ત્રંબામાં નિશિત ખૂટ અડીખમ : તાલુકા પંચાયત બેઠકમાં જીત

રાજકોટ તાલુકા પંચાયતના ધ્‍યાનાકર્ષક જંગમાં શાનદાર વિજય

રાજકોટ,તા. ૫: રાજકોટ લોધિકા સંઘના પૂર્વ ડીરેકટર બાબુભાઇ ખૂટના સુપુત્ર નિચિત ખુટે પંચાયતોની ચૂંટણીમાં ભાજપની રાજ્‍યવ્‍યાપી આંધીને ત્રંબામાં કોંગીના ઉમેદવાર તરીકે રોકવામાં સફળતા મેળવી છે. ભાજપે તમામ તાકાત કામે લગાડી હોવા છતા, જિલ્લા પંચાયતની બેઠકમાં ભાજપને ત્રંબા ગામમાંથી માત્ર ૯૦ મતની સરસાઇ મળી છે. જ્‍યારે આજ ગામની તાલુકા પંચાયત બેઠકમાં ભાજપના ઉમેદવાર ભાવેશ ત્રાપસિયા સામે કોંગીના નિશિત ખૂટનો ૨૪૨ મતે વિજય થયો છે. તેમને આ જીતને મતદારોની જીત અને કાર્યકરોના પરિશ્રમને આભારી ગણાવી લોકસેવામાં સદાય તત્‍પર રહેવાની ખાતરી આપી છે. તેમના પર અભિનંદન વર્ષા (મો. ૮૦૦૦૫ ૬૪૬૯૩) થઇ રહી છે.

(11:35 am IST)
  • ગુરુવારે સીરમ ઇન્સ્ટિટ્યૂટ ઓફ ઈન્ડિયા (એસઆઈઆઈ)ના CEO પુનાવાલાએ વિશ્વ બેન્કની પેનલમાં ચર્ચા દરમ્યાન જણાવ્યું હતું કે કાચા માલના નિકાસ પર અસ્થાયી અમેરિકી પ્રતિબંધ થી સીરમ ઇન્સ્ટિટ્યૂટ ઓફ ઈન્ડિયા (એસઆઈઆઈ) જેવી કંપનીઓ દ્વારા કોરોનાવાયરસ રસીના ઉત્પાદનને મર્યાદિત કરી શકે છે જે ગંભીર બાબત છે. access_time 11:58 pm IST

  • સ્વાતિ મોહને સ્ટાર ટ્રેકનો પ્રથમ એપિસોડ જોયો અને નાસા તરફનું પ્રયાણ શરૂ થયું :ભારતીય મૂળની અમેરિકન એરોસ્પેસ એન્જિનિયર સ્વાતિ મોહન, કે જેમણે મંગળની ધરતી ઉપર નાસાનું પ્રિઝર્વન્સ રોવર યાનના સફળ ઉતરાણમાં મહત્વનો ભાગ ભજવ્યો હતો, તેણે અમેરિકી પ્રમુખ જો બાયડનને કહ્યું હતું કે પોતે બાળક હતી ત્યારે સ્ટાર ટ્રેકનો પ્રથમ એપિસોડ જોયો હતો, ત્યારથી અમેરિકન સ્પેસ એજન્સી માટેનું તેનું પ્રયાણ શરૂ થઇ ગયેલ... access_time 4:39 pm IST

  • હાર્દિકને ગુજરાત બહાર જવાની છુટ : કોંગ્રેસના કાર્યકારી પ્રમુખ હાર્દિક પટેલની અરજી ઉપર હાઈકોર્ટે તેને ગુજરાત રાજય બહાર જવાની મંજુરી આપી છેઃ રાજકીય કામકાજ અંગે રાજયની બહાર જવાની પરવાનગી આપવામાં આવી હતી access_time 4:40 pm IST