Gujarati News

Gujarati News

News of Friday, 5th March 2021

બિલીયાળા પાસે અકસ્‍માતમાં સુલતાનપુરના યુવાનનું મોત

રાજકોટ કડિયા કામ કરતા યુવાનના બાઇકને સીએનજીના સિલીન્‍ડર વાળી ગાડીએ અડફેટે લીધુ : કુટુંબમાં લગ્ન પ્રસંગ મોકૂફ

ગોંડલ,તા.૫: ગોંડલ રાજકોટ નેશનલ હાઈવે બિલીયાળા ગામ પાસે સુલતાનપુરના યુવાનના બાઇકને સીએનજીના સિલીન્‍ડર વાળી ગાડીએ અડફેટે લેતા સર્જાયેલ અકસ્‍માતમાં યુવાનનું ઘટનાસ્‍થળે જ કમકમાટીભર્યું મોત નીપજયું હતું ઘટનાને પગલે તાલુકા પોલીસે દોડી જઈ તપાસ હાથ ધરી હતી.

ગોંડલ નજીક નેશનલ હાઈવે અને ગ્રામ્‍ય વિસ્‍તારના માર્ગો પર રોજિંદા અકસ્‍માતના કારણે માનવ જિંદગી હોમાઇ રહી છે ત્‍યારે ગોંડલ રાજકોટ નેશનલ હાઈવે બિલિયાળા ગામ પાસે રાજકોટ કડિયા કામ કરતા સુલતાનપુરના મુકેશભાઈ રવજીભાઈ વડોદરિયા પોતાના બાઈક GJ03FL ૭૬૮ ઉપર ગોંડલ થી રાજકોટ જઈ રહ્યા હતા ત્‍યારે બિલીયાળા ગામ પાસે GJ2XX 6931 ના ચાલકે અડફેટે લેતા સર્જાયેલા અકસ્‍માતમાં મુકેશભાઈ નું ઘટનાસ્‍થળે મોત નીપજયું હતું બનાવ અંગે ધીરુભાઈ વડોદરિયા એ પોલીસ ફરિયાદ નોંધાવતા તાલુકા પોલીસે તપાસ હાથ ધરી હતી.

મુકેશભાઈ સાત ભાઈ અને છ બહેનના પરિવારમાં સૌથી નાના હતા તેઓને સંતાનમાં બે દીકરા અને બે દીકરીઓ છે જેમાંથી એક દીકરીના લગ્ન થઈ ગયા છે તાજેતરમાં કૌટુંબિક ભત્રીજાના પુત્રના લગ્ન હોય અકાળે મુકેશભાઈ નું નિધન થતાં લગ્ન પ્રસંગ મોકૂફ રખાયો હતો.

(11:33 am IST)
  • હેરંબા ઇન્ડ.નું બમ્પર લીસ્ટીંગ : ૧ લોટ પર રૂ. ૬ર૮૦નો ફાયદો :મુંબઇ : કેમીકલ કંપની હેરંબા ઇન્ડ. નું બમ્પર લીસ્ટીંગ : ઇસ્યુ પ્રાઇઝના ૪૩.પ૯ ટકા પ્રીમીયમે લીસ્ટીંગ : શેર ૯૦૦ ના ભાવે લીસ્ટ થયો : નિવેશકોને પ્રતિ લોટ રૂ. ૬ર૭૯ નો ફાયદો : ઇસ્યુ પ્રાઇઝ ૬ર૬-૬ર૭ રૂ. હતી. access_time 12:55 pm IST

  • હાર્દિકને ગુજરાત બહાર જવાની છુટ : કોંગ્રેસના કાર્યકારી પ્રમુખ હાર્દિક પટેલની અરજી ઉપર હાઈકોર્ટે તેને ગુજરાત રાજય બહાર જવાની મંજુરી આપી છેઃ રાજકીય કામકાજ અંગે રાજયની બહાર જવાની પરવાનગી આપવામાં આવી હતી access_time 4:40 pm IST

  • અમે ટ્રેક્ટરમાં પંખા ફિટ કર્યા છે જે ઉનાળાને ધ્યાનમાં રાખીને આવતીકાલે અમૃતસરથી દિલ્હી જવા રવાના થશે અને મચ્છરોને દૂર રાખવા અને વેન્ટિલેશન સુનિશ્ચિત કરવા માટે જાળીઓ પણ મૂકી છે. સરકાર ખેતીના નવા કાયદા પાછા નહીં લે ત્યાં સુધી અમે અમારો સંઘર્ષ ચાલુ રાખીશું - એસ.એસ.પંધર, કિસાન મજૂર સંઘર્ષ સમિતિના રાજ્ય સેક્રેટરી access_time 9:23 pm IST