Gujarati News

રાજકોટઃ સૌરાષ્ટ્રના પૂર્વ ક્રિકેટર અંબાપ્રતાપસિંહજી જાડેજાનું કોરોનાથી દુઃખદ અવસાન થયું હતું. તેઓ ૬૯ વર્ષના હતા.વલસાડમાં તેમનું અવસાન થયું હતું. જામનગરના રહેવાસી જાડેજા મધ્યમ ગતિના ઝડપી બોલર અને જમણા હાથના બેટ્સમેન હતા.  તેણે રણજી ટ્રોફીમાં સૌરાષ્ટ્ર માટે આઠ મેચ રમી હતી.  તેઓ ગુજરાત પોલીસના નિવૃત્ત ડીઍસપી હતા. બીસીસીઆઇના ભૂતપૂર્વ સચિવ નિરંજન શાહે ઍક શોક સંદેશમાં જણાવ્યું હતું કે, ‘અંબાપ્રતાપસિંહજી ઍક અદભુત ખેલાડી હતા અને મેં તેમની સાથે ક્રિકેટ પર ઘણી વખત સારી વાતચીત કરી હતી.  ભગવાન તેમના આત્માને શાંતિ આપે.ગયા વર્ષે પણ ઘણા વર્તમાન અને ભૂતપૂર્વ ક્રિકેટરોના કોરોનાના કારણે મોત થયા હતા.  જેમાં રાજસ્થાન તરફથી ડોમેસ્ટિક ક્રિકેટ રમનાર ૩૬ વર્ષીય લેગ સ્પિનર ??વિવેક યાદવ સામેલ હતો.  વિવેકનું ૫ મે ૨૦૨૧ના રોજ જયપુરની ઍક હોસ્પિટલમાં અવસાન થયું હતું.  વિવેક ૨૦૧૦-૧૧ અને ૨૦૧૧-૧૨ સીઝનમાં રણજી ટ્રોફી જીતનાર રાજસ્થાન ટીમનો સભ્ય હતો.  તેણે ૨૦૦૮ થી ૨૦૧૩ વચ્ચે ફર્સ્ટ ક્લાસ ક્રિકેટમાં ૫૭ વિકેટ ઝડપી હતી. (૪૦.૨૨)