Gujarati News

Gujarati News

News of Friday, 4th December 2020

અમરેલીમાં લક્ષ્મી ડાયમંડ મુંબઇ તરફથી શાંતાબા મેડીકલ કોલેજ એન્ડ હોસ્પિટલને બે એમ્બ્યુલન્સ

ડીરેકટર શ્રીમતી સરોજબેન અશોકભાઇ ગજેરાએ શાંતાબા મેડીકલ કોલેજ એન્ડ સિવિલ જનરલ હોસ્પિટલની મુલાકાત લઇને દર્દીની વધારાના સુવિધા અર્થે સિવિલમાં એમ્બ્યુલન્સ માટે બે એમ્યુલન્સ માટે આશરે ૨૫ લાખના અનુદાનની જાહેરાત : વસંતભાઇ ગજેરા દ્વારા આરંભાયેલા આરોગ્ય સેવાયજ્ઞમાં બે એમ્બ્યુલન્સની સુવિધા આપીશુ - અશોક ગજેરા - લક્ષ્મી ડાયમંડ - મુંબઇ

(અરવિંદ નિર્મળ દ્વારા) અમરેલી તા.૪ : અમરેલીના જાણીતા ઉદ્યોગપતિ, કેળવણીકાર, વતનના રતન વસંતભાઇ ગજેરા સંચાલીત શાંતાબા મેડીકલ કોલેજ એન્ડ સિવિલ હોસ્પિટલની મુંબઇની આંતરરાષ્ટ્રીય હીરાઉદ્યોગ કંપની લક્ષ્મી ડાયમંડ મુંબઇના ડીરેકટર શ્રીમતી સરોજબેન અશોકભાઇ ગજેરાએ મુલાકાત લીધી હતી.

હોસ્પિટલમાં સારવાર લઇ રહેલ દર્દીઓની મુલાકાત લઇને તબિયતની પૃચ્છા કરી હતી તથા છેલ્લા સાત - સાત મહિનાથી પોતાના જીવના જોખમે કોરોનાગ્રસ્ત દર્દીઓની સેવા તથા સારવાર કરતા ખરા અર્થમાં કોરોના વોરીયર્સ તમામ તબીબો તથા મેડીકલસ્ટાફને અભિનંદન આપ્યા હતા.શ્રીમતી સરોજબેન અશોકભાઇ ગજેરાએ મુલાકાત દરમિયાન શાંતાબા મેડીકલ કોલેજ એન્ડ સિવિલ હોસ્પિટલમાં દર્દીઓની ઝડપી સારવાર માટે એમ્બ્યુલન્સ લેવા માટે લક્ષ્મી ડાયમંડ મુંબઇ તરફથી રૂ.રપ ના અનુદાનની જાહેરાત કરી હતી.

આ તકે લક્ષ્મી ડાયમંડના એમડી અશોકભાઇ ગજેરાએ જણાવ્યુ હતુ કે મારા વતન અમરેલીના લોકોની આરોગ્ય સેવામાં અમારી કંપની લક્ષ્મી ડાયમંડ મુંબઇ સહભાગી બની એનો મને આનંદ છે. આ તકે સિવિલ સર્જન ડો.શોભનાબેન મહેતા, કેમ્પસ ડાયરેકટર પીન્ટુભાઇ ધાનાણી તથા હરેશભાઇ બાવીશી વિ.એ શ્રીમતી સરોજબેન ગજેરાનું સન્માન કરીને હોસ્પિટલની મુલાકાત કરાવી હતી.

(11:29 am IST)
  • ગ્રેટર હૈદરાબાદ મ્યુનિસિપલ કોર્પોરેશન ચૂંટણી : બપોરે 1-45 કલાક સુધીની મત ગણતરી મુજબ TRS 62 બેઠકો ઉપર આગળ : AIMIM 31 સીટ ઉપર તથા BJP 22 સીટ ઉપર આગળ : કોંગ્રેસ 3 બેઠક ઉપર આગળ access_time 2:07 pm IST

  • ઓવૈસીના ગઢમાં ભાજપને સરસાઈ : ગ્રેટર હૈદરાબાદ ચૂંટણીની મતગણતરી શરૂ : પ્રારંભિક વલણમાં ભાજપ 30 બેઠકો પર અને ટીઆરએસ 15 બેઠકો પર આગળ : access_time 9:37 am IST

  • ઉત્તર પ્રદેશમાં ' લવ જેહાદ ' નો બીજો કેસ : શબાબ નામક મુસ્લિમ યુવકે રાહુલ નામ ધારણ કરી હિન્દૂ યુવતીને પ્રેમજાળમાં ફસાવ્યાનો આરોપ : 1 ડિસેમ્બરના રોજ લગ્ન થવાના હતા : 30 નવેમ્બરથી યુવક યુવતી બંને ગૂમ : આ અગાઉ બરેલી જિલ્લામાં પ્રથમ કેસ બન્યો હતો : બંને કેસમાં પોલીસ તપાસ ચાલુ : જો ગુનો પુરવાર થાય તો 10 વર્ષની જેલસજા અને 50 હજાર રૂપિયા દંડ થઇ શકે access_time 1:46 pm IST