Gujarati News

Gujarati News

News of Friday, 4th December 2020

હડમતાળામાં ઉછીના આપેલા રૂપિયાની ઉઘરાણી કરતા યુવાનને ૬ શખ્સોએ માર માર્યો

રૂ. ૭૦૦૦૦ની ઉઘરાણી કરતા શખ્સને માઠું લાગ્યું

ગોંડલ તા. ૪ : હડમતાળા ગામે યુવાને મિત્ર ને રૂપિયા ૭૦,૦૦૦ હાથ ઉછીના આપ્યા હોય જેની ઉઘરાણી કરતા શખ્સને માઠું લાગતા યુવાનને ધોકા વડે માર મારી જાનથી મારી નાખવાની ધમકી આપી.

પ્રાપ્ત વિગતો મુજબ ગોંડલ તાલુકાના હડમતાળા ગામે રહેતા અને ખેતીકામ કરતા પ્રવીણ ભાઈ હમીરભાઈ વાળાએ ૫ મહિના પહેલા મિત્ર ઈલિયાસ ઓસમાણભાઈ પતાણીને રૂપિયા ૭૦ હજાર હાથ ઉછીના આપ્યા હતા જે પરત માંગતા ઇલીયાસને માઠું લાગતા તેને અનવર ગફારભાઈ પતાણી, જાવેદ ઈલિયાસભાઈ પતાણી, અનીશ ઈલિયાસભાઈ પતાણી, ગફાર ઉમરભાઈ પતાણી તેમજ સલીમ ગફારભાઈ પતાણી સાથે મળી પ્રવીણભાઈને લાકડાના ધોકા વડે માર મારી મુંઢ ઈજાઓ પહોંચાડી જાનથી મારી નાખવાની ધમકી આપતા તાલુકા પોલીસમાં ફરિયાદ નોંધાવતા પોલીસે આઈપીસી કલમ ૩૨૩, ૫૦૪, ૫૦૬ (૨), ૧૪૩, ૧૪૭, ૧૪૯ જી પી એકટ કલમ ૩૭, ૧૩૫ તથા એસ્ટ્રોસીટી એકટ મુજબ ગુનો નોંધી વધુ તપાસ હાથ ધરી હતી.

(10:29 am IST)
  • મોડી રાત્રે વાવાઝોડાની અસર રૂપે તામિલનાડુમાં ઠેરઠેર અતિભારે વરસાદ પડી ગયો છે ચેન્નાઈમાં આવતીકાલે સવાર સુધી અતિભારે વરસાદની આગાહી થઈ છે જ્યારે તામિલનાડુમાં સોમવાર સુધી વરસાદ વરસતો રહેશે તેવી ધારણા છે access_time 11:50 pm IST

  • સાહિત્યકાર ઝવેરચંદ મેઘાણીના પુત્ર જયંત મેઘાણીનું દુઃખદ નિધન : જાણીતા સાહિત્યકાર ઝવેરચંદ મેઘાણીના પુત્ર જયંત મેઘાણીનું આજે ભાવનગર મુકામે દુઃખદ નિધન થયુ છે : તેઓ ૮૩ વર્ષના હતા : કોમ્પ્યુટર ઉપર કામ કરી રહ્યા હતા ત્યારે અંતિમ શ્વાસ લીધા access_time 3:20 pm IST

  • મુંબઈગરાંઓ માટે 26 ઈલેક્ટ્રિક AC બસોનું મુખ્યમંત્રી ઉદ્ધવ ઠાકરે દ્વારા લોકાર્પણ.: ટાટા મોટર્સ દ્વારા આ ઈલેક્ટ્રિક બસો બનાવવામાં આવી છે. કેન્દ્ર સરકારની નીતિ અનુસાર મુંબઈને આવી કુલ 340 બસ મળવાની છે... access_time 8:35 pm IST