Gujarati News

Gujarati News

News of Friday, 4th December 2020

જામનગર : સાળી સાથેના અનૈતિક સબંધો મામલે પત્નીએ ઠપકો આપતા પતિનો ગળેફાંસો ખાઈને કર્યો આપઘાત

સાળી -બનેવી અનેક વખત એકાંતમાં સમય પસાર કરતા હતા. જો કે એક વખત પત્ની બંન્નેને જોઇ જતા બંન્નેને ઠપકો આપ્યો હતો

જામનગરમાં એક વિચિત્ર કહી શકાય તેવી પ્રેમકથા સામે આવી હતી. જો કે આ પ્રેમકથાનો અંજામ કરૂણ આવ્યો હતો. મોડપર ગામના એક શ્રમિક ખેડૂતને પોતાની સાળી સાથે અનૈતિક સંબંધો હતા. જેની જાણ તેની પત્નીને થતા તેણે પતિને ઠપકા આપ્યો હતો. જો કે આ મુદ્દે લાગી આવતા પતિએ ગળેફાંસો ખાઇને આપઘાત કરી લીધો હતો. ઘટનાને પગલે ચકચાર મચી જવા પામી હતી.

જામનગરના મોડપર ગામની સીમમાં એક વાડીમાં રહીને ખેત મજુરી કરે છે. નરસિંગ ઉર્ફે નરેશ અમરસિંહ ડાવરીયા નામનો 28 વર્ષીય પરપ્રાંતીય આદિવાસી શ્રમિક યુવાન પોતાની વાડીમાં એક ઝાડની ડાળીમાં દોરડુ બાંધી ગળેફાંસો દ્વારા આત્મહત્યા કરી હતી. પોતાની સાળી સાથેના અનૈતિક સંબંધોની જાણ તેની પત્નીને થઇ હતી. જેથી તેણે પોતાના પતિને ઠપકો આપ્યો હતો. જો કે પતિને આ મુદ્દે લાગી આવતા તેણે વાડીમાં ઝાડની ડાળી સાથે દોરડુ બાંધીને આત્મહત્યા કરી લીધી હતી.

મૃત્યુ પામનારના નરસિંગ ઉર્ફે નરેશ પોતાની પત્ની અને પાંચ સંતાનો સાથે વાડીની ઓરડીમાં જ રહે છે. તેની સાથે તેની સાળી પણ રહે છે. નરેશને પોતાની સાળી સાથે આંખ મળી ગઇ હતી. જેથી બંન્ને અનેક વખત એકાંતમાં સમય પસાર કરતા હતા. જો કે એક વખત પત્ની બંન્નેને જોઇ જતા બંન્નેને ઠપકો આપ્યો હતો. જેથી નરેશ પોતાનું ઘર છોડીને જતો રહ્યો હતો. વહેલી સવારે તેમનો મૃતદેહ મળી આવ્યો હતો. ઘટના અંગે માહિતી મળતા જામનગર પોલીસ ઘટના સ્થળે પહોંચી હતી અને તપાસ આદરી હતી

(10:48 am IST)
  • ગ્રેટર હૈદરાબાદ મ્યુનિસિપલ કોર્પોરેશન ચૂંટણી : સત્તાધારી પાર્ટી TRS નો 44 બેઠકો ઉપર વિજય : ઓવૈસીની AIMIM પાર્ટીએ 39 બેઠકો કબ્જે કરી : 32 બેઠકો ઉપર ભગવો લહેરાયો : સાંજે 6:30 વાગ્યા સુધીના પરિણામ : કુલ બેઠક 150 : મત ગણતરી ચાલુ : 2016 ની સાલમાં સત્તાધારી પાર્ટી TRS ને 99 તથા ઓવૈસીની પાર્ટીને 44 બેઠકો મળી હતી : ભાજપે 4 બેઠકો ઉપર વિજય મેળવ્યો હતો access_time 7:15 pm IST

  • સાહિત્યકાર ઝવેરચંદ મેઘાણીના પુત્ર જયંત મેઘાણીનું દુઃખદ નિધન : જાણીતા સાહિત્યકાર ઝવેરચંદ મેઘાણીના પુત્ર જયંત મેઘાણીનું આજે ભાવનગર મુકામે દુઃખદ નિધન થયુ છે : તેઓ ૮૩ વર્ષના હતા : કોમ્પ્યુટર ઉપર કામ કરી રહ્યા હતા ત્યારે અંતિમ શ્વાસ લીધા access_time 3:20 pm IST

  • દેશમાં કોરોનાથી સ્વસ્થ થનારની સંખ્યા 90 લાખને પાર પહોંચી : નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 9 વાગ્યા સુધીમાં કોરોનાના નવા 29,331 કેસ નોંધાયા:કુલ કેસની સંખ્યા 95,64,565 થઇ :એક્ટીવ કેસ 4, 14,924 થયા : વધુ 35,536 દર્દીઓ સ્વસ્થ થતા કુલ 90,07,247 રિકવર થયા :વધુ 416 ના મોત સાથે કુલ મૃત્યુઆંક 1,39,102 થયો access_time 12:21 am IST