Gujarati News

Gujarati News

News of Tuesday, 4th May 2021

જુનાગઢમાં દુધની ડેરીની આડમાં પાન-મસાલા, સીગારેટ-તમાકુના વેચાણનો પર્દાફાશ

આંશિક લોકડાઉન-કફર્યુ વચ્ચે : રૂ.૧૯૯૦ના મુદામાલ સાથે વેપારીની ધરપકડ

(વિનુ જોશી) જુનાગઢ તા.૪ : આંશિક લોકડાઉન કર્ફયુ વચ્ચે જુનાગઢમાં દુધની ડેરીની આડમાં પાન મસાલા, સીગારેટ, તમાકુના વેચાણનો પોલીસે પર્દાફાશ કરી વેપારીની રૂ.૧૯૯૦ના મુદામાલ સાથે ધરપકડ કરી હતી.

કોરોના મહામારીને લઇ જુનાગઢ સહિત ર૬ શહેરોમાં આંશીક લોકડાઉન અને રાત્રી કફર્યુ અમલમાં છે ત્યારે જુનાગઢમાં ચોબારી રોડ પર ક્રિષ્ના ડેરી નામની દુકાન ધરાવતો હિતેશ મનસુખ સાંગાણી કફર્યુમાં પણ ડેરી ખુલ્લી રાખીને પાન-મસાલા વેચતો હોવાની જાણ થતાં બી ડીવીઝનના પી.આઇ. રાઠોડના માર્ગદર્શન હેઠળ કોન્સ્ટેબલ દેવાયતભાઇ વગેરે દોડી ગયા હતા.

ક્રિષ્ના ડેરીમાં તપાસ કરતા દુધની ડેરીની આડમાં હિતેષ સાંગાણીને પાન મસાલા તમાકુ સીગારેટ વેચતો પોલીસે પકડ પાડયો હતો.

આ કાર્યવાહીમાં પોલીસે ડેરીમાંથી ગોલ્ડ ફલેક સીગારેટ, ફોર સ્કેવર કસ સીગારેટના પેકેટ તેમજ બુધાલાલ તમાકુનું પેકેટ, શ્રીજી પતી ખેડુત છાપ તમાકુ તેમજ વિમલ પાન મસાલા અને તમાકુ ઉપરાંત સાયના બીડી, માવા પાર્સલ વગેરે રૂ.૧૯૯૦ની કિંમતનો મુદામાલ કબ્જે કરી હિતેશ મનસુખ વિરૂધ્ધ ધોરણસરની કાર્યવાહી કરી હતી.

(12:54 pm IST)
  • આજે પોરબંદર ઇલેક્ટ્રીક સ્મશાન ગૃહમાં 14 મૃતદેહ ને અગ્નિસંસ્કાર કરવામાં આવ્યો હતો જેમાં બે કોરોના પોઝિટિવ નો સમાવેશ થાય છે access_time 11:34 pm IST

  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST

  • હિંસા કેમ થાય છે ? મમતાની સરકાર પાસે મોદી સરકારે રિપોર્ટ મગાવ્યો :ચૂંટણી પછીની શરૂ થયેલ હિંસા અંગે પશ્ચિમ બંગાળ સરકાર પાસે રિપોર્ટ મંગાવતી કેન્દ્ર સરકારઃચૂંટણી પરિણામો બાદ પશ્ચિમ બંગાળમા ઠેર ઠેર થઈ રહેલા તોફાનો મુદ્દે કેન્દ્રીય ગૃહ મંત્રાલયએ રાજ્ય સરકાર પાસે રિપોર્ટ મંગાવ્યો છે. access_time 3:18 pm IST