Gujarati News

Gujarati News

News of Tuesday, 4th May 2021

વિંછીયાના સનાળી રોડ વોંકળાના કાંઠે તીનપતીનો જુગાર રમતા છ પકડાયા

વિંછીયા પોલીસનો દરોડોઃ બુધ્ધા ડાભી, જગદીશ ગોહેલ, હરેશ ઉર્ફે બાઠો, રાજુ ગોહેલ, આશીષ વ્યાસ, રણજીત ખાચર, હરજી ગોહેલની ધરપકડ હરજી અને કસ્તુરની શોધખોળ

રાજકોટ તા. ૩ :.. વિંછીયાના સનાળી રોડ પર બેઠા પુલ પાસે વોંકળાના કાંઠે પોલીસે બાતમીના આધારે દરોડો પાડી તીનપતીનો જૂગાર રમતા છ શખ્સોને પકડી લઇ કાર્યવાહી કરી હતી.

મળતી વિગત મુજબ સનાળી રોડ બેઠા પુલ પાસે વોંકળાના કાંઠા પાસે કેટલાક શખ્સો જૂગાર રમતા હોવાની બાતમીના આધારે વીંછીયા પોલીસ મથકના એ. એસ. આઇ. જેઠાભાઇ તથા કોન્સ. યુવરાજસિંહ સહિતે દરોડો પાડી બેઠા પુલ પાસે વોંકળાના કાંઠા પાસે તીનપતીનો જૂગાર રમતા દેવધરીના બુધ્ધા વશરામભાઇ ડાભી, જગદીશ ધીરજલાલ ગોહેલ, હરેશ ઉર્ફે બાઠો કાનજીભાઇ સોલંકી, રાજુ નકુભાઇ ગોહેલ, આશીષ કાનજીભાઇ વ્યાસ અને બોટાદના તુરખાના રણજીત જીલુભાઇ ખાચરને પકડી લઇ રૂ. ૩૪૯પ૦ ની રોકડ સહિતની મતા કબ્જે કરી કાર્યવાહી કરી હતી. જયારે દેવધરીના હરજી અરજણભાઇ ગોહેલ અને કસ્તુર રાયાભાઇ સોલંકીની શોધખોળ હાથ ધરી છે.

(11:50 am IST)
  • આઈપીએલના બાકીના મેચો મુંબઈમાં જ રમાશે? : સપ્તાહના અંતિમ આઈપીએલના બાકી રહી ગયેલા મેચો હવે મુંબઈ ખાતે જ રમાડવામાં આવે તેવી શકયતા કોરોનાની મહામારીના પગલે આ નિર્ણય લેવાય તેવી વિચારણા ચાલી રહી હોવાનું જાણવા મળે છે. access_time 10:39 am IST

  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST

  • રાજકોટમાં પવનનો જોર વચ્ચે ગરમીમાં આંશિક ઘટાડો : રાજકોટ શહેરમાં ૩૯.૪ ડીગ્રી, ૧૬ કિ.મી.ની ઝડપે ગરમ પવન ફૂંકાઈ રહ્યા છેઃ હવામાન ખાતાના સૂત્રોએ જણાવ્યું છે કે હજુ એકાદ બે દિવસ મહતમ તાપમાન ૪૦-૪૨ ડિગ્રીની રેન્જમાં રહેશેઃ ત્યારબાદ બે ડીગ્રીનો વધારો જોવા મળશે access_time 4:07 pm IST